ەاەو ەلدەرٸنٸڭ ەڭبەكشٸلەرٸن زەينەتاقىمەن قامسىزداندىرۋ تۋرالى كەلٸسٸم كٷشٸنە ەندٸ, دەپ حابارلايدى "ۇلت اقپارات" بٸرىڭعاي جيناقتاۋشى زەينەتاقى قورىنىڭ باسپاسٶز قىزمەتٸنە سٸلتەمە جاساپ.
ەۋرازييالىق ەكونوميكالىق كوميسسييانىڭ 2019 جىلى 20 جەلتوقساندا ەۋرازييالىق ەكونوميكالىق وداق مەملەكەتتەرٸمەن بٸرلەسٸپ ەزٸرلەگەن وداققا مٷشە مەملەكەتتەردٸڭ ەڭبەكشٸلەرٸن زەينەتاقىمەن قامسىزداندىرۋ تۋرالى كەلٸسٸمٸ 2021 جىلدىڭ 1 قاڭتارىنان باستاپ كٷشٸنە ەندٸ.
«كەلٸسٸمگە سەيكەس ەڭبەكشٸلەر ەاەو-عا مٷشە باسقا مەملەكەتتٸڭ اۋماعىندا ەڭبەك نەمەسە ٶزگە دە قىزمەتتٸ جٷزەگە اسىرۋ ارقىلى زەينەتاقى قۇقىقتارى قالىپتاستىرىلاتىن نە قالىپتاستىرىلعان قازاقستان, رەسەي فەدەراتسيياسى, قىرعىزستان, ارمەنييا جەنە بەلارۋس ەلدەرٸنٸڭ ازاماتتارى ەسەپتەلەدٸ.
كەلٸسٸم وداقتىڭ بٸر ەلٸنەن ەكٸنشٸ ەلٸنە زەينەتاقىنى ەكسپورتتاۋ تەرتٸبٸ مەن تەتٸگٸن ايقىنداپ, زەينەتاقى الۋ قۇقىعىن انىقتاۋ ٷشٸن ەاەو مەملەكەتتەرٸندەگٸ جۇمىس ٶتٸلٸن جيناقتاۋدى كٶزدەيدٸ», دەلٸنگەن حابارلامادا.
قۇجات بويىنشا جۇمىسشىنى مەديتسينالىق كۋەلاندىرۋ, ونىڭ ٸشٸندە مٷگەدەكتٸگٸ بويىنشا زەينەتاقى تاعايىنداۋ بارىسىندا سىرتتاي مەديتسينالىق كۋەلاندىرۋ مەسەلەسٸ رەتتەلدٸ.
«ەاەو-عا مٷشە ەربٸر مەملەكەتتٸڭ ەڭبەك ەتۋشٸگە زەينەتاقىنىڭ جۇمىس كەزەڭٸندە جەنە جۇمىسقا ورنالاسقان ەلدەگٸ زەينەتاقى جارنالارىنىڭ اۋدارىمدارىنا بارابار بٶلٸگٸن تٶلەيتٸنٸن ەسكەرە وتىرىپ, 1 قاڭتاردان باستاپ ەڭبەكشٸلەر ەاەو-عا مٷشە مەملەكەتتەردە جۇمىس بەرۋشٸلەرمەن ەڭبەك قاتىناستارىن رەسمي رەسٸمدەۋٸ, ياعني مٸندەتتٸ تٷردە ەڭبەك نەمەسە ازاماتتىق-قۇقىقتىق شارتىن ۋاقىتىلى جاساۋى قاجەت.
كەلٸسٸمگە سەيكەس جيناقتاۋشى زەينەتاقىنى, سونداي-اق, مٷگەدەكتٸگٸ بويىنشا جەنە اسىراۋشىسىنان ايرىلۋ جاعدايى بويىنشا ەڭبەك (ساقتاندىرۋ) زەينەتاقىلارىن قوسپاعاندا, زەينەتاقى الۋ قۇقىعى ەڭبەككەردٸڭ مٷشە مەملەكەتتٸڭ اۋماعىندا جيناعان كەمٸندە تولىق 12 اي جۇمىس ٶتٸلٸ بولعان كەزدە (كەلٸسٸم كٷشٸنە ەنگەننەن كەيٸن), سول مەملەكەتتٸڭ زاڭناماسىنا سەيكەس تۋىندايتىنىن اتاپ ٶتكەن جٶن», دەلٸنگەن حابارلامادا.
قازاقستاندا كەلٸسٸمدٸ ٸسكە اسىرۋ جٶنٸندەگٸ قۇزىرەتتٸ ورگان بجزق بولىپ بەلگٸلەنگەن. سوعان سەيكەس قورعا ەڭبەكشٸلەر قاجەتتٸ كەڭەس الۋ ٷشٸن, ال كەيٸننەن جۇمىس ٸستەگەن كەزەڭدەرٸنە قاتىستى زەينەتاقى الۋ قۇقىعىنا يە بولعان مٷشە مەملەكەتتەردٸڭ قۇزىرەتتٸ ورگاندارىنا جٸبەرەتٸن قۇجاتتارىمەن جٷگٸنە الادى. قازاقستاندا كەلٸسٸم ەڭبەكشٸلەردٸڭ بجزق-عا زەينەتاقى جارنالارىن تٶلەۋ جٶنٸندەگٸ قۇقىقتىق قاتىناستارىنا قولدانىلادى.
«ەاەو ەلدەرٸنٸڭ ەڭبەكشٸلەرٸ بجزق-عا زەينەتاقى جيناقتارىن قالىپتاستىرعان جاعدايدا, ەڭبەكشٸلەردٸڭ ولاردى الۋ قۇقىعى قازاقستان زاڭناماسىنا سەيكەس ورىندالادى:
- زەينەتكەرلٸك جاسقا جەتكەن كەزدە;
- ەگەر مٷگەدەكتٸگٸ مەرزٸمسٸز بولىپ بەلگٸلەنسە, 1 جەنە 2-توپتاعى مٷگەدەكتٸك بەلگٸلەنگەن كەزدە,
- ال بجزق-دا زەينەتاقى جيناقتارى بار ەاەو ەلٸنٸڭ ازاماتى - ەڭبەك ەتۋشٸ قايتىس بولعان جاعدايدا, ونى بٸرجولعى الۋ قۇقىعى بجزق-عا قازاقستاننىڭ زاڭناماسىندا ايقىندالعان قۇقىق بەلگٸلەيتٸن قۇجاتتار ۇسىنعان كەزدە ونىڭ مۇراگەرلەرٸنە كٶشەدٸ», دەلٸنگەن حابارلامادا.
ايتا كەتەرلٸگٸ, ەاەو-نىڭ بٸرٸكتٸرٸلگەن اقپاراتتىق جٷيەسٸ ارقىلى ٶزارا تسيفرلىق ٸس-قيمىلعا كٶشكەنگە دەيٸن تاراپتار قاعاز قۇجات اينالىمىن پايدالانادى.
كەلٸسٸمنٸڭ تولىق مەتٸنٸمەن ەۋرازييالىق ەكونوميكالىق كوميسسييانىڭ سايتىندا تانىسۋعا بولادى.
