Parlament Májilisiniń jalpy otyrysynda «Eýraziialyq ekonomikalyq odaq sheńberinde aýyl sharýashylyǵy janýarlarymen selektsiialyq-asyl tuqymdyq jumys júrgizýdi birizdendirýge baǵyttalǵan sharalar týraly kelisimdi ratifikatsiialaý týraly» zań jobasy maquldandy, dep habarlaidy "Ult aqparat".
«Kelisim múshe memleketterde aýyl sharýashylyǵy janýarlarymen selektsiialyq-asyl tuqymdyq jumys júrgizý tártibin retteidi jáne EAEO aiasynda asyl tuqymdy mal sharýashylyǵy naryǵyn damytýǵa, sondai-aq ózara saýdada kedergilerdi joiýǵa baǵyttalǵan. Kelisimdi ázirleý jumysy 2014 jyldan bastap Eýraziialyq ekonomikalyq komissiianyń jumysy aýqymynda júrgizilgenin, jumys tobynyń eskertýlerin eskere otyryp, pysyqtalǵanyn atap ótken jón. Kelisim asyl tuqymdy mal sharýashylyǵy jáne agroónerkásiptik keshen salasyndaǵy ulttyq zańnamanyń maqsattary men mindetterine sáikes keledi», - dedi QR Aýyl sharýashylyǵy ministri Saparhan Omarov.
Kelisimniń uǵymdyq apparatynda «asyl tuqymdyq ónim», «asyl tuqymdyq qundylyq», «asyl tuqymdyq janýar», «selektsiialyq jáne asyl tuqymdyq jumys», «aýyl sharýashylyǵy janýary» siiaqty terminder birizdendirilgen ári naqtylanǵan.
Selektsiialyq-asyl tuqymdyq jumys júrgizý kezinde múshe memleketterde asyl tuqymdyq ónim óndirý salasyndaǵy biryńǵai talaptardy qoldaný maqsatynda Kelisimde mynalardy birizdendirý kózdeledi:
- aýyl sharýashylyǵy janýarlarynyń jańadan qurylǵan tuqymdaryn, jelilerin nemese krostaryn baiqaýdan ótkizý tártibi;
- asyl tuqymdy materialdyń sapasyn molekýliarlyq genetikalyq saraptama júrgizý arqyly aiqyndaý tártibi;
- týys tuqymdardy paidalaný arqyly alynǵan asyl tuqymdy janýardyń tuqymyn aiqyndaý tártibi;
- janýarlardyń asyl tuqymdyq qundylyǵyn baǵalaý boiynsha ádistemeleri.
«Selektsiialyq-asyl tuqymdyq jumysty úilestirýdi múshe memleketterdiń ýákiletti organdary júzege asyrady, taldamalyq qamtamasyz etý ǵylymi-zertteý uiymdaryna bekitiletin bolady.
Sondai-aq Kelisimde Eýraziialyq ekonomikalyq odaqqa múshe memleketter asyl tuqymdy mal jáne selektsiialyq jetistikter týraly málimetter almasýdy kózdeidi. Qazirgi ýaqytta Eýraziialyq ekonomikalyq komissiiamen birlesip Kelisimdi iske asyrý úshin normativtik qujattardy ázirleý boiynsha jumystar júrgizildi.
Kelisimdi ratifikatsiialaý EAEO aýqymynda selektsiialyq-asyldandyrý jumystaryn júrgizýdi ońtailandyrýǵa, mal sharýashylyǵynda selektsiia men asyl tuqymdy isti damytýdy qamtamasyz etýge, otandyq asyl tuqymdy ónimniń básekege qabilettiligin arttyrýǵa múmkindik beredi», - dedi ministr.
