پارلامەنت مەجٸلٸسٸنٸڭ جالپى وتىرىسىندا «ەۋرازييالىق ەكونوميكالىق وداق شەڭبەرٸندە اۋىل شارۋاشىلىعى جانۋارلارىمەن سەلەكتسييالىق-اسىل تۇقىمدىق جۇمىس جٷرگٸزۋدٸ بٸرٸزدەندٸرۋگە باعىتتالعان شارالار تۋرالى كەلٸسٸمدٸ راتيفيكاتسييالاۋ تۋرالى» زاڭ جوباسى ماقۇلداندى, دەپ حابارلايدى "ۇلت اقپارات".
«كەلٸسٸم مٷشە مەملەكەتتەردە اۋىل شارۋاشىلىعى جانۋارلارىمەن سەلەكتسييالىق-اسىل تۇقىمدىق جۇمىس جٷرگٸزۋ تەرتٸبٸن رەتتەيدٸ جەنە ەاەو اياسىندا اسىل تۇقىمدى مال شارۋاشىلىعى نارىعىن دامىتۋعا, سونداي-اق ٶزارا ساۋدادا كەدەرگٸلەردٸ جويۋعا باعىتتالعان. كەلٸسٸمدٸ ەزٸرلەۋ جۇمىسى 2014 جىلدان باستاپ ەۋرازييالىق ەكونوميكالىق كوميسسييانىڭ جۇمىسى اۋقىمىندا جٷرگٸزٸلگەنٸن, جۇمىس توبىنىڭ ەسكەرتۋلەرٸن ەسكەرە وتىرىپ, پىسىقتالعانىن اتاپ ٶتكەن جٶن. كەلٸسٸم اسىل تۇقىمدى مال شارۋاشىلىعى جەنە اگروٶنەركەسٸپتٸك كەشەن سالاسىنداعى ۇلتتىق زاڭنامانىڭ ماقساتتارى مەن مٸندەتتەرٸنە سەيكەس كەلەدٸ», - دەدٸ قر اۋىل شارۋاشىلىعى مينيسترٸ ساپارحان وماروۆ.
كەلٸسٸمنٸڭ ۇعىمدىق اپپاراتىندا «اسىل تۇقىمدىق ٶنٸم», «اسىل تۇقىمدىق قۇندىلىق», «اسىل تۇقىمدىق جانۋار», «سەلەكتسييالىق جەنە اسىل تۇقىمدىق جۇمىس», «اۋىل شارۋاشىلىعى جانۋارى» سيياقتى تەرميندەر بٸرٸزدەندٸرٸلگەن ەرٸ ناقتىلانعان.
سەلەكتسييالىق-اسىل تۇقىمدىق جۇمىس جٷرگٸزۋ كەزٸندە مٷشە مەملەكەتتەردە اسىل تۇقىمدىق ٶنٸم ٶندٸرۋ سالاسىنداعى بٸرىڭعاي تالاپتاردى قولدانۋ ماقساتىندا كەلٸسٸمدە مىنالاردى بٸرٸزدەندٸرۋ كٶزدەلەدٸ:
- اۋىل شارۋاشىلىعى جانۋارلارىنىڭ جاڭادان قۇرىلعان تۇقىمدارىن, جەلٸلەرٸن نەمەسە كروستارىن بايقاۋدان ٶتكٸزۋ تەرتٸبٸ;
- اسىل تۇقىمدى ماتەريالدىڭ ساپاسىن مولەكۋليارلىق گەنەتيكالىق ساراپتاما جٷرگٸزۋ ارقىلى ايقىنداۋ تەرتٸبٸ;
- تۋىس تۇقىمداردى پايدالانۋ ارقىلى الىنعان اسىل تۇقىمدى جانۋاردىڭ تۇقىمىن ايقىنداۋ تەرتٸبٸ;
- جانۋارلاردىڭ اسىل تۇقىمدىق قۇندىلىعىن باعالاۋ بويىنشا ەدٸستەمەلەرٸ.
«سەلەكتسييالىق-اسىل تۇقىمدىق جۇمىستى ٷيلەستٸرۋدٸ مٷشە مەملەكەتتەردٸڭ ۋەكٸلەتتٸ ورگاندارى جٷزەگە اسىرادى, تالدامالىق قامتاماسىز ەتۋ عىلىمي-زەرتتەۋ ۇيىمدارىنا بەكٸتٸلەتٸن بولادى.
سونداي-اق كەلٸسٸمدە ەۋرازييالىق ەكونوميكالىق وداققا مٷشە مەملەكەتتەر اسىل تۇقىمدى مال جەنە سەلەكتسييالىق جەتٸستٸكتەر تۋرالى مەلٸمەتتەر الماسۋدى كٶزدەيدٸ. قازٸرگٸ ۋاقىتتا ەۋرازييالىق ەكونوميكالىق كوميسسييامەن بٸرلەسٸپ كەلٸسٸمدٸ ٸسكە اسىرۋ ٷشٸن نورماتيۆتٸك قۇجاتتاردى ەزٸرلەۋ بويىنشا جۇمىستار جٷرگٸزٸلدٸ.
كەلٸسٸمدٸ راتيفيكاتسييالاۋ ەاەو اۋقىمىندا سەلەكتسييالىق-اسىلداندىرۋ جۇمىستارىن جٷرگٸزۋدٸ وڭتايلاندىرۋعا, مال شارۋاشىلىعىندا سەلەكتسييا مەن اسىل تۇقىمدى ٸستٸ دامىتۋدى قامتاماسىز ەتۋگە, وتاندىق اسىل تۇقىمدى ٶنٸمنٸڭ بەسەكەگە قابٸلەتتٸلٸگٸن ارتتىرۋعا مٷمكٸندٸك بەرەدٸ», - دەدٸ مينيستر.
