Mańǵystaý oblysynda álemge áigili akter Djeki Chan qatysatyn «Dospehi Boga 4: Ýltimatým» filminiń túsirilimi bastaldy, dep habarlaidy ult.kz.
Oblystyq ákimdiktiń málimetinshe, alǵashqy kadrlar Bozjyra shatqalynda túsirilgen. Bul aýmaq filmniń negizgi túsirilim alańdarynyń biri retinde tańdalǵan.
7–12 maýsym aralyǵynda 35 adamnan turatyn halyqaralyq túsirilim toby jumys istep, filmniń birqatar kórinisterin taspaǵa túsirgen. Jospar boiynsha, túsirilim jumystary biyl tolyq aiaqtalady. Al filmniń álemdik prokatqa shyǵýy 2027 jyldyń aqpanyna belgilenip otyr.
Mańǵystaý oblysynyń ákimi Nurdáýlet Qilybai shyǵarmashylyq top ókilderimen kezdesip, mundai jobalar óńirdiń týristik jáne mádeni áleýetin halyqaralyq deńgeide tanytýǵa múmkindik beretinin atap ótti.
Jobany Sálem Entertainment jáne Dala Edge Creative Tech Park kompaniialary júzege asyryp jatyr.
