Foto:gov.kz
V Dúniejúzilik kóshpendiler oiyndary bizge ne berdi? Bul suraqqa jýrnalist Arman Áýbákir jaýap berdi.«Bul is-shara eń áýeli ulttyń rýhyn bir kóterip tastady. Dańǵoilyq, maqtanshaqtyq deseńiz de óz erkińiz. Ádette óz-ózine senbegen adam eshqandai jetistikke jete almaidy. Týra sol siiaqty rýhy pás ult ta jasampazdyq deńgeige kóterile almaidy. Ótken qatelikter men aqtańdaqtardan sabaq alamyz. Al tarihtaǵy jetistikter ult retindegi óz-ózimizge degen senimdiligimizdi arttyrady. Osynaý Kóshpendiler oiyndarynda elimiz ótken tarihqa saiahat jasap, ejelgi kóshpendiler órkenietin kózben kórgendei keremet áserge bólendi. Óshkeni qaita jańǵyryp, ólgeni qaita tirilgendei qazaq eli bir rýhtandy. Boiyndaǵy ulttyq kody oianyp, ózderiniń naǵyz túp-tamyryn tapqandai boldy. Bul aýqymdy is-sharanyń taǵy bir kózge kórinbeitin tereń máni bar. Ol jat dini radikaldyq aǵymdarǵa qarsy ulttyq immýnitetti oiatý. Ásire dinshilderdiń qazaq mádenintine oqtyn-oqtyn shabýyl jasap, olardyń shamalary jetse, bizdi túp-tamyrymyzdan, tól bolmysymyzdan qoparyp tastaýǵa umtylyp júrgeni barshaǵa aian. Dúniejúzilik kóshpendiler oiyndary bai tarihymyzdy, asyl muramyzdy jarqyratyp aidai álemge kórsetti. Sonyń arqasynda, umyt qalǵan kóshpendiler dúnietanymy, etnografiialyq elementter sanamyzda qaita jańǵyrdy. Eger de ulttyq bolmysymyzdy joǵaltpasaq, jat dini aǵymdar bizdiń esigimizden de syǵalai almaityn bolady», - dedi jýrnalist.
Memleket basshysy mádeni muramyzdy jan-jaqty dáripteý búginginiń jumysy ekenin aitqan edi. Mysaly, ózimiz irgesinde otyrǵan Qoja Ahmet Iasaýi kesenesi bai tarihymyzdyń simvoly sanalady. Onyń ult rýhaniiatyndaǵy orny erekshe. Osy kesenege ulttyq mádeni-tarihi eskertkish mártebesin berý týraly usynys engizilgen. Buny Toqaev qoldaidy.
Al Túrkistandy Iasaýisiz elestetý múmkin emes, Áigili ǵulama tutas túrki dúniesinde islam dininiń ornyǵýyna zor úles qosty. Osyǵan orai Parlament májilisinde «Túrkistan qalasynyń erekshe mártebesi týraly» zań jobasy usynyldy. Zań jobasyna sáikes Túrkistan erekshe mártebege ie bolady.
Sonymen qatar kelesi negizgi ózgerister qarastyrylǵan:
• Túrkistan qalasynyń arheologiia eskertkishteriniń rezervatyn qurý;
• Qoja Ahmet Iasaýi kesenesiniń ainalasyndaǵy qurylysty shekteý;
Túrkistanǵa erekshe mártebe berilse, ne ózgeredi? Aimaq basshysy Darhan Satybaldynyń aitýynsha, jobany búkil Túrkistan halqy kútip otyr.
«Erekshe statýs bizge ártúrli sheshimder qabyldap, tiisti sharalardy júrgizýge múmkindik beredi. Ekinshiden, bul qalanyń rýhani jáne mádeni damýyna serpin beredi. Keseneni, qurylystardy retteý kerek. Túrkistan qalasynyń óz stili bolýy tiis. Osyǵan bailanysty qurylys jónindegi keńes qurylady. Al qalalyq máslihatqa 65-ke jýyq quzyr beriledi», - dedi oblys ákimi.
