Foto: threads.com/@anondron
Almaty oblysy aýmaǵynda 26 jastaǵy jigittiń kúmándi ólimi qoǵamda rezonans týdyrdy. Áleýmettik jelide taraǵan málimetke sáikes, marqumdy óz tanysy aqsha daýyna bailanysty aiaýsyz soqqyǵa jyqqan bolýy múmkin, dep habarlaidy Ult.kz.
Qaiǵyly oqiǵa Boraldai kenti aýmaǵynda bolǵan. Marqumnyń týystarynyń aitýynsha, ol dosymen birge shaǵyn kásip júrgizip, tabysty teń bólisip kelgen. Alaida sońǵy kúni 70 myń teńge tóńireginde kelispeýshilik týyndap, sońy janjalǵa ulasqan.
Týystarynyń nusqasy boiynsha, oqiǵa 10 mamyr kúni “Edelveis” kafesinde bolǵan. Sol aralyqta jigit aýyr soqqyǵa jyǵylǵan. Keiin onyń jaǵdaiy kúrt nasharlap, jedel járdem shaqyrylǵanymen, ol aýrýhanaǵa bara jatqan jolda kóz jumǵan.
Aldyn ala derekterge sáikes, marqum aýyr dene jaraqatyn alǵan. Týystary onyń qatty qan joǵaltqanyn jáne basynan soqqy alǵanyn aitady. Sondai-aq olar oqiǵa ornynda birneshe adamnyń bolǵanyn, biraq olardyń áreketsiz qalǵanyn alǵa tartty.
Marqumnyń jaqyndary kúdiktiler oqiǵa izin jasyrýǵa tyrysqan bolýy múmkin dep esepteidi. Olardyń aitýynsha, jábirlenýshi aldymen basqa jerge jetkizilip, tek sodan keiin jedel járdem shaqyrylǵan.
Atalǵan jait boiynsha Almaty oblysy politsiia departamenti sotaldy tergeý bastalǵanyn habarlady. Vedomstvo ókilderi barlyq nusqalar tekserilip jatqanyn jáne qajetti saraptamalar júrgizilip jatqanyn málimdedi.
Qazir oqiǵanyń mán-jaiyn anyqtaýǵa baǵyttalǵan tergeý amaldary jalǵasyp jatyr. Is oblystyq departament basshylyǵynyń baqylaýyna alynǵan.
