Salafizmniń san qyrly qabattary bar. Bolmystyq epidemiologiialyq jaǵy - fýndamentalizm. Iaǵni, naqyl birinshi degen ustanymǵa negizdelgen. Munda adam passiv orynda tur. Alla mátinindegi mindetterdi adam oryndaýshy ǵana bolý kerek! Adam ondaǵy mindetter men ýájipterdi aqylǵa da salmai, salystyrmai, qai jerde, qai kezde bolmasyn sol qalpynda oryndaýy tiis. Sebebi Alla adam úshin neniń jaqsy, neniń jaman ekenin, neniń paidaly, neniń ziian ekein áý basta sheship qoiǵan. Tek tásilim shart. Saiasi quqyqtyq jaǵy - metatraditsionalizm. Radikalizm men terroroizm. Bul ustanym retinde Batys pen Shyǵystyń eseptesýine psihologiialyq agressiialyq sipat beretin platforma. Evropatsentrizmge ońai qural bolatyn tendentsiia da osy hálge bailanysty damidy. Sebebi eki urpaq arasynda jikti de, tarihi sabaqtastyqty da úzip turatyn eski men jańa dialektikasy da osy negizde paida bolady. Al endi Qazaqstanda jáne basqa da musylman memleketterinde salafizm qalyptasqan dástúrli tanym men dini qundylyqtardy joqqa shyǵarý arqyly jik salady. Sosyn memleket júiesi men Batystyq quqyqtyq zaiyrly ustanymǵa qarsy shyǵady.
Kez kelgen qoǵamdaǵy qubylysqa ózindik túsindirme jáne anyqtama jasaý qabileti bar doktrina bolǵandyqtan da naqylshylyqty alǵa tartyp, "dálel", "qujat" negizdeý logofemderin sheber qoldana alady. Tildegi nárse sanadan oryn alyp, aqyry amalǵa oiysyp, agressiialyq psihologiia op-ońai aktsiiaǵa ainalyp shyǵa keledi. Onyń kórinisteri Qazaqstanda tiptik ahýalǵa ainaldy. Memlekettik organdar da salafizm yqpaly men yńǵaiyna jyǵyldy. Mysaly, siz salafilerge unamaityn oi nemese pikir, kitap ne maqala jazsańyz, salafilerden buryn memlekettik organdar tarapynan "qaýipti oi aitýshy" retinde tańbalanasyz... Munyń mysaldaryn aldaǵy ýaqyttarda naqty taldap beretin bolamyn...
(Jalǵasy bar...)
Dosai Kenjetaiulynyń feisbýktegi jazbasynan
