سالافيزمنٸڭ سان قىرلى قاباتتارى بار. بولمىستىق ەپيدەميولوگييالىق جاعى - فۋندامەنتاليزم. ياعني, ناقىل بٸرٸنشٸ دەگەن ۇستانىمعا نەگٸزدەلگەن. مۇندا ادام پاسسيۆ ورىندا تۇر. اللا مەتٸنٸندەگٸ مٸندەتتەردٸ ادام ورىنداۋشى عانا بولۋ كەرەك! ادام ونداعى مٸندەتتەر مەن ۋەجٸپتەردٸ اقىلعا دا سالماي, سالىستىرماي, قاي جەردە, قاي كەزدە بولماسىن سول قالپىندا ورىنداۋى تيٸس. سەبەبٸ اللا ادام ٷشٸن نەنٸڭ جاقسى, نەنٸڭ جامان ەكەنٸن, نەنٸڭ پايدالى, نەنٸڭ زييان ەكەٸن ەۋ باستا شەشٸپ قويعان. تەك تەسٸلٸم شارت. ساياسي قۇقىقتىق جاعى - مەتاتراديتسيوناليزم. راديكاليزم مەن تەررورويزم. بۇل ۇستانىم رەتٸندە باتىس پەن شىعىستىڭ ەسەپتەسۋٸنە پسيحولوگييالىق اگرەسسييالىق سيپات بەرەتٸن پلاتفورما. ەۆروپاتسەنتريزمگە وڭاي قۇرال بولاتىن تەندەنتسييا دا وسى حەلگە بايلانىستى داميدى. سەبەبٸ ەكٸ ۇرپاق اراسىندا جٸكتٸ دە, تاريحي ساباقتاستىقتى دا ٷزٸپ تۇراتىن ەسكٸ مەن جاڭا ديالەكتيكاسى دا وسى نەگٸزدە پايدا بولادى. ال ەندٸ قازاقستاندا جەنە باسقا دا مۇسىلمان مەملەكەتتەرٸندە سالافيزم قالىپتاسقان دەستٷرلٸ تانىم مەن دٸني قۇندىلىقتاردى جوققا شىعارۋ ارقىلى جٸك سالادى. سوسىن مەملەكەت جٷيەسٸ مەن باتىستىق قۇقىقتىق زايىرلى ۇستانىمعا قارسى شىعادى.
كەز كەلگەن قوعامداعى قۇبىلىسقا ٶزٸندٸك تٷسٸندٸرمە جەنە انىقتاما جاساۋ قابٸلەتٸ بار دوكترينا بولعاندىقتان دا ناقىلشىلىقتى العا تارتىپ, "دەلەل", "قۇجات" نەگٸزدەۋ لوگوفەمدەرٸن شەبەر قولدانا الادى. تٸلدەگٸ نەرسە سانادان ورىن الىپ, اقىرى امالعا ويىسىپ, اگرەسسييالىق پسيحولوگييا وپ-وڭاي اكتسيياعا اينالىپ شىعا كەلەدٸ. ونىڭ كٶرٸنٸستەرٸ قازاقستاندا تيپتٸك احۋالعا اينالدى. مەملەكەتتٸك ورگاندار دا سالافيزم ىقپالى مەن ىڭعايىنا جىعىلدى. مىسالى, سٸز سالافيلەرگە ۇنامايتىن وي نەمەسە پٸكٸر, كٸتاپ نە ماقالا جازساڭىز, سالافيلەردەن بۇرىن مەملەكەتتٸك ورگاندار تاراپىنان "قاۋٸپتٸ وي ايتۋشى" رەتٸندە تاڭبالاناسىز... مۇنىڭ مىسالدارىن الداعى ۋاقىتتاردا ناقتى تالداپ بەرەتٸن بولامىن...
(جالعاسى بار...)
دوساي كەنجەتايۇلىنىڭ فەيسبۋكتەگٸ جازباسىنان
