ٶسكەمەندە «تازا ٶسكەمەن» كوممۋنالدىق كەسٸپورنىنىڭ بۇرىنعى ديرەكتورى مەن ونىڭ ورىنباسارى كەسٸپكەرمەن بٸرگە 61 ميلليون تەڭگەدەن استام قاراجاتتى جىمقىرعانى ٷشٸن جەتٸ جىلعا سوتتالدى. بۇل اقشا قالا جولدارىن كٷتٸپ ۇستاۋعا بٶلٸنگەن, دەپ حابارلايدى ult.kz.
تەرگەۋ مەلٸمەتٸنشە, كەسٸپورىن جىل سايىن 1,5 ميلليارد تەڭگەدەن استام سوماعا كەلٸسٸمشارتتار العان. الايدا بۇرىنعى باسشىلار تانىس كەسٸپكەردٸڭ كومپانييالارىمەن قۇم, بيتۋم جەتكٸزۋ جەنە باسقا جۇمىستاردى ورىنداۋ بويىنشا توعىز جالعان كەلٸسٸمشارت جاساسقان.
ٸس جٷزٸندە كەسٸپورىنعا ەشقانداي ماتەريال جەتكٸزٸلمەگەن, قىزمەتتەر دە كٶرسەتٸلمەگەن. اقشا كومپانييالاردىڭ ەسەپشوتتارىنا اۋدارىلىپ, كەيٸن قولما-قول شەشٸلٸپ, قاتىسۋشىلار اراسىندا بٶلٸنگەن.
بۇعان دەيٸن ايىپتالۋشىلار الاياقتىق جاسادى دەپ تانىلعان. الايدا اپەللياتسييالىق سوت قىلمىستىڭ سارالانۋىن ٶزگەرتٸپ, ولاردى اسا ٸرٸ مٶلشەردە سەنٸپ تاپسىرىلعان مٷلٸكتٸ يەمدەنٸپ الۋ نەمەسە ىسىراپ ەتۋ جەنە وعان كٶمەكتەسۋ بويىنشا كٸنەلٸ دەپ تانىعان.
سوت ٷشەۋٸن دە جەتٸ جىلعا باس بوستاندىعىنان ايىردى. سونداي-اق ولارعا مەملەكەتتٸك قىزمەتتە لاۋازىم اتقارۋعا ٶمٸر بويىنا تىيىم سالىندى.
قارجىلىق مونيتورينگ اگەنتتٸگٸنٸڭ مەلٸمەتٸنشە, كٷمەندٸ جولمەن الىنعان قاراجاتقا ەليتالىق تۇرعىن ٷي كەشەنٸنەن پەتەر, BMW X6 M جەنە Subaru Forester اۆتوكٶلٸكتەرٸ, سونداي-اق جەر ۋچاسكەلەرٸ ساتىپ الىنعان. بۇل مٷلٸككە تىيىم سالىنعان.
