© Sputnik / Timýr Batyrshin
Erbolat Dosaev Almaty biýdjetin 265,4 milliard teńgege ulǵaitýdy usyndy, - dep habarlaidy Tengrinews.kz saity.
"2023-2025 jyldarǵa arnalǵan qala biýdjeti Almaty qalasyn damytý baǵdarlamasynyń negizgi basymdyqtary negizinde qalyptastyryldy. Biýdjetti naqtylaýǵa biyldyń birinshi toqsanyndaǵy ekonomikanyń serpindi damýy negiz boldy. Qysqa merzimdi ekonomikalyq kórsetkish 23,9 paiyzǵa ósti. Ekonomikalyq ósimniń draiverleri saýda (+29,4 paiyz), óńdeý ónerkásibi (+24,5 paiyz), kólik (+21,8 paiyz) boldy. Ekonomikanyń damýy memlekettik biýdjet kiristeriniń ulǵaiýymen qatar júrip, 32,1 paiyzǵa ósti", - dedi Dosaev Almaty qalasy máslihatynyń depýtattary aldynda sóilegen sózinde.
Qosymsha qarjy kólik infraqurylymyn qalyptastyrýǵa, turǵyn úi-kommýnaldyq sharýashylyq infraqurylymyn jańǵyrtýǵa, áleýmettik qamsyzdandyrýǵa, bilim men densaýlyq saqtaýdy damytýǵa, qalany abattandyrý men kógaldandyrýǵa baǵyttalatyny aityldy.
"Biyl 1 sáýirden bastap qala deńgeiinen aýdan ákimdikterine 15 qosymsha fýnktsiia berildi. Sonymen birge júrgizilip jatqan ókilettikterdi ortalyqsyzdandyrý sheńberinde jáne aǵymdaǵy naqtylaýdy eskere otyryp, 8 aýdan ákimdiginiń 2023 jylǵa arnalǵan biýdjetteri bekitildi. 60,4-ten 164,5 milliardqa deiin 2,7 esege ósedi. Sonymen qatar, aýdan ákimdikteriniń shtat sany 152 birlikke ulǵaityldy, onyń 56-sy jańa, 96-sy qalalyq basqarmalardan aýysty", - dedi Erbolat Dosaev.
