© Sputnik / تيمۋر باتىرشين
ەربولات دوساەۆ الماتى بيۋدجەتٸن 265,4 ميلليارد تەڭگەگە ۇلعايتۋدى ۇسىندى, - دەپ حابارلايدى Tengrinews.kz سايتى.
"2023-2025 جىلدارعا ارنالعان قالا بيۋدجەتٸ الماتى قالاسىن دامىتۋ باعدارلاماسىنىڭ نەگٸزگٸ باسىمدىقتارى نەگٸزٸندە قالىپتاستىرىلدى. بيۋدجەتتٸ ناقتىلاۋعا بيىلدىڭ بٸرٸنشٸ توقسانىنداعى ەكونوميكانىڭ سەرپٸندٸ دامۋى نەگٸز بولدى. قىسقا مەرزٸمدٸ ەكونوميكالىق كٶرسەتكٸش 23,9 پايىزعا ٶستٸ. ەكونوميكالىق ٶسٸمنٸڭ درايۆەرلەرٸ ساۋدا (+29,4 پايىز), ٶڭدەۋ ٶنەركەسٸبٸ (+24,5 پايىز), كٶلٸك (+21,8 پايىز) بولدى. ەكونوميكانىڭ دامۋى مەملەكەتتٸك بيۋدجەت كٸرٸستەرٸنٸڭ ۇلعايۋىمەن قاتار جٷرٸپ, 32,1 پايىزعا ٶستٸ", - دەدٸ دوساەۆ الماتى قالاسى مەسليحاتىنىڭ دەپۋتاتتارى الدىندا سٶيلەگەن سٶزٸندە.
قوسىمشا قارجى كٶلٸك ينفراقۇرىلىمىن قالىپتاستىرۋعا, تۇرعىن ٷي-كوممۋنالدىق شارۋاشىلىق ينفراقۇرىلىمىن جاڭعىرتۋعا, ەلەۋمەتتٸك قامسىزداندىرۋعا, بٸلٸم مەن دەنساۋلىق ساقتاۋدى دامىتۋعا, قالانى اباتتاندىرۋ مەن كٶگالداندىرۋعا باعىتتالاتىنى ايتىلدى.
"بيىل 1 سەۋٸردەن باستاپ قالا دەڭگەيٸنەن اۋدان ەكٸمدٸكتەرٸنە 15 قوسىمشا فۋنكتسييا بەرٸلدٸ. سونىمەن بٸرگە جٷرگٸزٸلٸپ جاتقان ٶكٸلەتتٸكتەردٸ ورتالىقسىزداندىرۋ شەڭبەرٸندە جەنە اعىمداعى ناقتىلاۋدى ەسكەرە وتىرىپ, 8 اۋدان ەكٸمدٸگٸنٸڭ 2023 جىلعا ارنالعان بيۋدجەتتەرٸ بەكٸتٸلدٸ. 60,4-تەن 164,5 ميللياردقا دەيٸن 2,7 ەسەگە ٶسەدٸ. سونىمەن قاتار, اۋدان ەكٸمدٸكتەرٸنٸڭ شتات سانى 152 بٸرلٸككە ۇلعايتىلدى, ونىڭ 56-سى جاڭا, 96-سى قالالىق باسقارمالاردان اۋىستى", - دەدٸ ەربولات دوساەۆ.
