- Qazirgi ýaqytta AQSh-taǵy prezident sailaýy ótken eldiń shyǵys teńiz jaǵalaýy mańynda ornalasqan barlyq ýchaskeler jabyldy, dep habarlaidy "Ult aqparat".
Donald Tramp - Oklahoma, Indiana, Kentýkki, Tennesi, Alabama, Ońtústik Karolina, Batys Virdjiniia shtattarynda, al Hillari Klinton - Vermont, Merilend, Delaver, Massachýsets, Niý-Djersi, Rod-Ailend shtattarynda jáne Kolýmbiia okrýginde ozyp shyqqan.
Biraq Tramp jeńgen shtattar sheshýshi emes ekenin aitqan sarapshylar sailaýshylary men sailaýshylar alqasy múshesi kóp shtattarda berilgen daýys nátijesin kútý kerek desedi.
Amerikalyqtar ár shtattyń halqynyń sanyna bailanysty qurylǵan sailaýshylar alqasy arqyly daýys beredi. Úmitker prezident bolý úshin sailaýshylar alqasyndaǵy 538 daýystyń keminde 270-in alýy kerek.
Sailaý kúni Niý-Iork qalasy sailaý kezeńinin hám saiasi oqiǵalardyń ortalyǵyna ainaldy. Bul eki úmitker de atalǵan shtatta týǵandar bolyp tabylatyn tuńǵysh kampaniia jetekshileri.
Donald Tramp óziniń biiktigi aspanmen talasqan «Tramp Taýer» atty ǵimarattyń janyndaǵy ýchaskede daýys berdi. Al, Hillari Niý-Iorktiń Chapakýa aýdany mektepteriniń birinde ornalasqan ýchaskege bardy.
Eki úmitkerdiń jeńisin toilaý oryndary Manhettende, bir-birine jaqyn ornalasqan. Biraq amerikalyq baspasóz ben qoǵamnyń basty nazary Klintonnyń sailaý nátijesin kútýdi josparlaǵan Iakob Djavitts Ortalyǵyna aýǵan.
