- قازٸرگٸ ۋاقىتتا اقش-تاعى پرەزيدەنت سايلاۋى ٶتكەن ەلدٸڭ شىعىس تەڭٸز جاعالاۋى ماڭىندا ورنالاسقان بارلىق ۋچاسكەلەر جابىلدى, دەپ حابارلايدى "ۇلت اقپارات".
دونالد ترامپ - وكلاحوما, ينديانا, كەنتۋككي, تەننەسي, الاباما, وڭتٷستٸك كارولينا, باتىس ۆيردجينييا شتاتتارىندا, ال حيللاري كلينتون - ۆەرمونت, مەريلەند, دەلاۆەر, ماسساچۋسەتس, نيۋ-دجەرسي, رود-ايلەند شتاتتارىندا جەنە كولۋمبييا وكرۋگٸندە وزىپ شىققان.
بٸراق ترامپ جەڭگەن شتاتتار شەشۋشٸ ەمەس ەكەنٸن ايتقان ساراپشىلار سايلاۋشىلارى مەن سايلاۋشىلار القاسى مٷشەسٸ كٶپ شتاتتاردا بەرٸلگەن داۋىس نەتيجەسٸن كٷتۋ كەرەك دەسەدٸ.
امەريكالىقتار ەر شتاتتىڭ حالقىنىڭ سانىنا بايلانىستى قۇرىلعان سايلاۋشىلار القاسى ارقىلى داۋىس بەرەدٸ. ٷمٸتكەر پرەزيدەنت بولۋ ٷشٸن سايلاۋشىلار القاسىنداعى 538 داۋىستىڭ كەمٸندە 270-ٸن الۋى كەرەك.
سايلاۋ كٷنٸ نيۋ-يورك قالاسى سايلاۋ كەزەڭٸنٸن ھەم ساياسي وقيعالاردىڭ ورتالىعىنا اينالدى. بۇل ەكٸ ٷمٸتكەر دە اتالعان شتاتتا تۋعاندار بولىپ تابىلاتىن تۇڭعىش كامپانييا جەتەكشٸلەرٸ.
دونالد ترامپ ٶزٸنٸڭ بيٸكتٸگٸ اسپانمەن تالاسقان «ترامپ تاۋەر» اتتى عيماراتتىڭ جانىنداعى ۋچاسكەدە داۋىس بەردٸ. ال, حيللاري نيۋ-يوركتٸڭ چاپاكۋا اۋدانى مەكتەپتەرٸنٸڭ بٸرٸندە ورنالاسقان ۋچاسكەگە باردى.
ەكٸ ٷمٸتكەردٸڭ جەڭٸسٸن تويلاۋ ورىندارى مانحەتتەندە, بٸر-بٸرٸنە جاقىن ورنالاسقان. بٸراق امەريكالىق باسپاسٶز بەن قوعامنىڭ باستى نازارى كلينتوننىڭ سايلاۋ نەتيجەسٸن كٷتۋدٸ جوسپارلاعان ياكوب دجاۆيتتس ورتالىعىنا اۋعان.
