órkeniettermen dialogqa ashyqpyz. Bishkekte ótip jatqan TMD memleketteriniń shyǵarmashylyq jáne ǵylymi intelligentsiiasynyń XI forýmy barysynda qazaqstandyq delegatsiianyń basshysy, QR Ulttyq mýzeiiniń direktory Darhan Myńbai aitty, dep habarlaidy Baq.kz tilshisi.
«Qazirgi álemde mádenietti damytý deńgeii men rýhani mádeni bailyq ekonomikalyq jetistiktermen qatar, ulttyń básekege qabilettiliginiń negizgi kórsetkishteriniń qatarynda bolyp otyr. Mádeniet kóp rette ulttyq biregeiliktiń negizgi ózegin quraidy. TMD-ǵa qatysýshy memleketter kóptegen strategiialyq jáne ekonomikalyq damý maqsattarynyń sáikestiginen ózara yntymaqtastyq ornatýǵa múddeli», - dep atap ótti Darhan Myńbai.
Onyń aitýynsha, TMD aiasynda birqatar aýqymdy gýmanitarlyq joba júzege asyrylyp jatyr. Búgingi tańda gýmanitarlyq salada tarihi-mádeni bailanystar men zamanaýi innovatsiialyq jetistikterge negizdelgen kóp deńgeili áriptestikti keńeitýdiń mańyzy zor.
«Gýmanitarlyq bailanys dástúrli diplomatiialyq qarym-qatynasta kóp kórinis taba bermeitin salalarǵa enip keledi. TMD elderiniń barlyq mádeni jobalary ortaq órkeniet murasy, rýhani jáne materialdyq mádeniet eskertkishterin birlese paidalaný men saqtaýdyń negizgi qaǵidalary arqyly biriktirilgen. Búginde integratsiianyń qalyptasqan eýraziialyq vektory týraly aitýǵa bolady. Qazaqstan óz mádenietin damytýmen shektelmeidi, basqa mádenietter men órkeniettermen dialog ornatýǵa ashyqpyz. 2014 jyly Memleket basshysy mádeniet saiasaty tujyrymdamasyn bekitti. Oǵan sáikes mádenietterdi jaqyndastyrý ortalyǵy quryldy. Qazirgi ýaqytta ortalyqtyń jumysyn IýNESKO aiasynda júrgizý máselesi qarastyrylyp jatyr», - dedi ol.
Sóz sońynda Darhan Myńbai forým qatysýshylaryn Astanada ótetin EKSPO-2017 halyqaralyq forýmyna shaqyrdy.
Aita keteiik, osy kúnderi Qyrǵyz eliniń astanasy Bishkek qalasynda TMD memleketteriniń shyǵarmashylyq jáne ǵylymi intelligentsiiasynyń XI forýmy ótip jatyr. 11 elden jinalǵan delegattar Táýelsiz elder dostastyǵynyń 25 jyl ishindegi jumysyn tarazylap, gýmanitarlyq yntymaqtastyqtyń bolashaǵyn talqylaýda.
TMD shyǵarmashylyq jáne ǵylymi intelligentsiiasynyń forýmy 2006 jyldan bastap ótkizilip keledi. Bul forým dostastyq keńistigindegi jyl saiynǵy iri gýmanitarlyq shara bolyp sanalady. Delegattar ótken jyldyń qorytyndysyn shyǵaryp, birlesken is-sharalar josparyn talqylaidy, sondai-aq ǵylym, bilim, mádeniet, aqparat, týrizm, sport, jastarmen jumys salasyndaǵy ózekti máseleler boiynsha usynymdar ázirleidi.
TMD memleketteriniń shyǵarmashylyq jáne ǵylymi intelligentsiiasynyń onynshy forýmy ótken jyly Astanada ótken bolatyn.
.jpeg)