Tanymal telejúrgizýshi Dinara Sátjan ulynyń úilený toiynda jastarmen birge torttan dám tatqan. Onyń bul sáti áleýmettik jelide qyzý talqylanyp, oqyrmandar arasynda túrli pikir týǵyzdy, dep habarlaidy ult.kz.
Jeli qoldanýshylarynyń bir bóligi eneniń úilený toiynda jastarmen birge tort jeýin orynsyz dep sanaidy. Olardyń pikirinshe, toidaǵy tortty tek jas jubailarǵa qaldyrǵan durys. «Jastarǵa ǵana qaldyrý kerek edi», «Óz toiyńda jediń ǵoi», «Jaǵalasyp ne kerek?» degen pikirler jazylǵan.
Qyzyǵy, Dinara Sátjan toiǵa deiin bergen suhbatynda áleýmettik jelidegi «ene tortty birinshi jese — red flag» degen trendke ózi de ázilmen toqtalǵan. Ol bul týraly kórip, tortty birinshi bolyp jep qoiýdan bas tartqanyn aitqan.
Alaida, keiin onyń jastarmen birge tort jegen videosy taralyp, jeli qoldanýshylary arasynda «red flag ene» degen ázil qaita kóterildi.
