Qazaqstandyq ánshi Dimash Qudaibergen Qytaidaǵy gastroldik saparyn bastaidy, dep habarlaidy QazAqparat tilshisi.
Qytailyq Weibo áleýmettik jelisindegi aqparattarǵa sensek, Dimash Qudaibergen aldaǵy kúnderi Qytaidyń birqatar qalasynda án keshin ótkizedi. Ánshi alǵashqy kontsertin 16 jeltoqsan kúni «Singer - 2017» baiqaýy ótken Hýnan provintsiiasynyń Chansha qalasynda ótkizýdi josparlap otyr. Al ekinshi kontserti 2018 jylǵy 6 qańtar kúni Fýtszian provintsiiasynyń bas qalasy Fýchjoýda ótpek.
Aita keteiik, otandasymyzdyń talantyna tánti qytailyq jankúierler kontsert biletterin qazirdiń ózinde internet arqyly satyp alyp jatyr. Biletterdiń baǵasy 14 myń teńgeden (280 iýan) bastalyp, 84 myń teńgege (1680 iýan) deiin jetedi.
Eske sala keteiik, Dimash aǵymdaǵy jyldyń basynda Hunan TV «Singer - 2017» án baiqaýyna qatysyp, ekinshi oryn ielengen bolatyn. Sondai-aq básekedegi otandasymyzdyń erekshe talanty qytailyq jáne basqa da elderdiń ánsúier qaýymyn ózine qaratty.
