قازاقستاندىق ەنشٸ ديماش قۇدايبەرگەن قىتايداعى گاسترولدٸك ساپارىن باستايدى, دەپ حابارلايدى قازاقپارات تٸلشٸسٸ.
قىتايلىق Weibo ەلەۋمەتتٸك جەلٸسٸندەگٸ اقپاراتتارعا سەنسەك, ديماش قۇدايبەرگەن الداعى كٷندەرٸ قىتايدىڭ بٸرقاتار قالاسىندا ەن كەشٸن ٶتكٸزەدٸ. ەنشٸ العاشقى كونتسەرتٸن 16 جەلتوقسان كٷنٸ «Singer - 2017» بايقاۋى ٶتكەن حۋنان پروۆينتسيياسىنىڭ چانشا قالاسىندا ٶتكٸزۋدٸ جوسپارلاپ وتىر. ال ەكٸنشٸ كونتسەرتٸ 2018 جىلعى 6 قاڭتار كٷنٸ فۋتسزيان پروۆينتسيياسىنىڭ باس قالاسى فۋچجوۋدا ٶتپەك.
ايتا كەتەيٸك, وتانداسىمىزدىڭ تالانتىنا تەنتٸ قىتايلىق جانكٷيەرلەر كونتسەرت بيلەتتەرٸن قازٸردٸڭ ٶزٸندە ينتەرنەت ارقىلى ساتىپ الىپ جاتىر. بيلەتتەردٸڭ باعاسى 14 مىڭ تەڭگەدەن (280 يۋان) باستالىپ, 84 مىڭ تەڭگەگە (1680 يۋان) دەيٸن جەتەدٸ.
ەسكە سالا كەتەيٸك, ديماش اعىمداعى جىلدىڭ باسىندا Hunan TV «Singer - 2017» ەن بايقاۋىنا قاتىسىپ, ەكٸنشٸ ورىن يەلەنگەن بولاتىن. سونداي-اق بەسەكەدەگٸ وتانداسىمىزدىڭ ەرەكشە تالانتى قىتايلىق جەنە باسقا دا ەلدەردٸڭ ەنسٷيەر قاۋىمىن ٶزٸنە قاراتتى.
