Dimash Qudaibergen Tokioda ótetin ABU Song Festival festivaliniń arnaiy shaqyrylǵan qonaǵy retinde óner kórsetedi. Kórermender halyqaralyq festivaldiń ekskliýzivtik arnaiy TV-nusqasyn 22 qarasha kúni, keshki saǵat 21.40-ta «Habar» telearnasynan tamashalai alady, dep habarlaidy "Ult aqparat".
Bul artistiń Japoniia elinde alǵash ret óner kórsetýi bolady.
Festival uiymdastyrýshysy - Aziia-Tynyq muhity habar taratý odaǵy.
Telefestival - básekelestik jarys alańy emes. Bul - Aziia-Tynyq muhity aýmaǵyna kiretin memleketterdiń eń úzdik dep tanyǵan ártisterin usynatyn alań.
«Dimash Qudaibergenniń aýditoriiasy Qytai, Aziia elderinde óte kóp ekenin bilemiz. Festival «Habar» telearnasy efirinen kórermenge jol tartatyn bolady. Sondai-aq, Koreia, Japoniia, Indoneziia, Avstraliia, Túrkiia syndy memleketter de qatysady», - dedi «Habar» telearnasynyń direktory Dinara Bisembina.
Keshe Dimash Qudaibergen Instagram paraqshasynda NHK japon ulttyq telearnasyna bergen suhbatymen bólisti. Suhbat barysynda ol Qazaqstan eli, dombyra týraly, óziniń shyǵarmashylyq joly men ustazdary jaiynda sóz qozǵaǵan.
«Qazaqstanda týyp, óskenimdi maqtan tutamyn. Álemniń qai buryshynda bolsam da, qazaqtyń ulttyq ónerimen sýsyndap, Otanymnyń namysyn,jigerin boiyma sińirgenimdi maqtan tutamyn», - dedi Dimash.
