ديماش قۇدايبەرگەن توكيودا ٶتەتٸن ABU Song Festival فەستيۆالٸنٸڭ ارنايى شاقىرىلعان قوناعى رەتٸندە ٶنەر كٶرسەتەدٸ. كٶرەرمەندەر حالىقارالىق فەستيۆالدٸڭ ەكسكليۋزيۆتٸك ارنايى تۆ-نۇسقاسىن 22 قاراشا كٷنٸ, كەشكٸ ساعات 21.40-تا «حابار» تەلەارناسىنان تاماشالاي الادى, دەپ حابارلايدى "ۇلت اقپارات".
بۇل ارتيستٸڭ جاپونييا ەلٸندە العاش رەت ٶنەر كٶرسەتۋٸ بولادى.
فەستيۆال ۇيىمداستىرۋشىسى - ازييا-تىنىق مۇحيتى حابار تاراتۋ وداعى.
تەلەفەستيۆال - بەسەكەلەستٸك جارىس الاڭى ەمەس. بۇل - ازييا-تىنىق مۇحيتى اۋماعىنا كٸرەتٸن مەملەكەتتەردٸڭ ەڭ ٷزدٸك دەپ تانىعان ەرتٸستەرٸن ۇسىناتىن الاڭ.
«ديماش قۇدايبەرگەننٸڭ اۋديتوريياسى قىتاي, ازييا ەلدەرٸندە ٶتە كٶپ ەكەنٸن بٸلەمٸز. فەستيۆال «حابار» تەلەارناسى ەفيرٸنەن كٶرەرمەنگە جول تارتاتىن بولادى. سونداي-اق, كورەيا, جاپونييا, يندونەزييا, اۆسترالييا, تٷركييا سىندى مەملەكەتتەر دە قاتىسادى», - دەدٸ «حابار» تەلەارناسىنىڭ ديرەكتورى دينارا بيسەمبينا.
كەشە ديماش قۇدايبەرگەن Instagram پاراقشاسىندا NHK جاپون ۇلتتىق تەلەارناسىنا بەرگەن سۇحباتىمەن بٶلٸستٸ. سۇحبات بارىسىندا ول قازاقستان ەلٸ, دومبىرا تۋرالى, ٶزٸنٸڭ شىعارماشىلىق جولى مەن ۇستازدارى جايىندا سٶز قوزعاعان.
«قازاقستاندا تۋىپ, ٶسكەنٸمدٸ ماقتان تۇتامىن. ەلەمنٸڭ قاي بۇرىشىندا بولسام دا, قازاقتىڭ ۇلتتىق ٶنەرٸمەن سۋسىنداپ, وتانىمنىڭ نامىسىن,جٸگەرٸن بويىما سٸڭٸرگەنٸمدٸ ماقتان تۇتامىن», - دەدٸ ديماش.
