Diamond Princess krýizdik lainerinen evakýatsiialanǵan 300-den astam amerikalyqtyń 18-nen koronavirýs anyqtaldy, dep jazady Kyodo News.
Buǵan deiin habarlanǵandai, lainer jolaýshylarynyń arasynda birneshe adamnan koronavirýs tabylýyna bailanysty karantinde turǵan bolatyn.
AQSh-tyń Aýrýlardy baqylaý jáne aldyn alý ortalyqtarynyń resmi ókili indet juqtyrǵan adamdardyń sany artýy múmkin ekendigin jetkizdi. Sebebi keme jolaýshylary «juqtyrý qaýpi joǵary» sanatqa jatady.
Ortalyqtardyń dereginshe, 18 rastalǵan jaǵdaidan bólek, AQSh-tyń evakýatsiialaýynan buryn Japoniiada pnevmoniiaǵa uqsas belgileri bar 10 amerikalyq jolaýshy tirkelgen. Olardy tekserý nátijeleri ázirge Qurama Shtattarda rastalmady.
Sonymen qatar, lainerdiń 750-den astam jolaýshysy AQSh, Ońtústik Koreia, Avstraliia, Gonkong, Izrail jáne Kanada memleketterine evakýtsiialandy.
Eske salsaq, jolaýshylarynyń birinen koronavirýs anyqtalǵannan keiin The Diamond Princess krýizdik laineri Iokogama portynda eki aptalyq karantinde turdy.
