Diamond Princess كرۋيزدٸك لاينەرٸنەن ەۆاكۋاتسييالانعان 300-دەن استام امەريكالىقتىڭ 18-نەن كوروناۆيرۋس انىقتالدى, دەپ جازادى Kyodo News.
بۇعان دەيٸن حابارلانعانداي, لاينەر جولاۋشىلارىنىڭ اراسىندا بٸرنەشە ادامنان كوروناۆيرۋس تابىلۋىنا بايلانىستى كارانتيندە تۇرعان بولاتىن.
اقش-تىڭ اۋرۋلاردى باقىلاۋ جەنە الدىن الۋ ورتالىقتارىنىڭ رەسمي ٶكٸلٸ ٸندەت جۇقتىرعان ادامداردىڭ سانى ارتۋى مٷمكٸن ەكەندٸگٸن جەتكٸزدٸ. سەبەبٸ كەمە جولاۋشىلارى «جۇقتىرۋ قاۋپٸ جوعارى» ساناتقا جاتادى.
ورتالىقتاردىڭ دەرەگٸنشە, 18 راستالعان جاعدايدان بٶلەك, اقش-تىڭ ەۆاكۋاتسييالاۋىنان بۇرىن جاپونييادا پنەۆمونيياعا ۇقساس بەلگٸلەرٸ بار 10 امەريكالىق جولاۋشى تٸركەلگەن. ولاردى تەكسەرۋ نەتيجەلەرٸ ەزٸرگە قۇراما شتاتتاردا راستالمادى.
سونىمەن قاتار, لاينەردٸڭ 750-دەن استام جولاۋشىسى اقش, وڭتٷستٸك كورەيا, اۆسترالييا, گونكونگ, يزرايل جەنە كانادا مەملەكەتتەرٸنە ەۆاكۋتسييالاندى.
ەسكە سالساق, جولاۋشىلارىنىڭ بٸرٸنەن كوروناۆيرۋس انىقتالعاننان كەيٸن The Diamond Princess كرۋيزدٸك لاينەرٸ يوكوگاما پورتىندا ەكٸ اپتالىق كارانتيندە تۇردى.
