QR Densaýlyq saqtaý ministrligi koronavirýs infektsiiasyn (COVID-19) juqtyrý qaýpiniń aiasynda bolǵan azamattar úshin úi jaǵdaiynda karantinde bolýdyń erejeleri men tártibin túsindirdi, dep habarlaidy "Ult aqparat".
Ministrliktiń habarlaýynsha, úi karantini 1b sanatyndaǵy elderden shyqqannan keiin nemese COVID-19 virýsyn juqtyrýy múmkin adammen jaqyn bailanysta bolǵan kúnnen bastap 14 kúnge sozylady.
Kelesi talaptar men sharttardy oryndaǵan jaǵdaida úi karantininde bolýǵa múmkindik bar:
1. Otbasynyń ózge múshelerimen bailanysta bolmaityndai úide jeke bólme bolýy tiis;
2. Patsient jáne otbasynyń ózge de músheleri keńes berilgen tiisti qorǵaný quraldarymen (joq degende qolǵappen nemese maskamen) qamtylyp, aldyn alý sharalaryn saqtaýy (máselen respiratorly gigienany, jótel etiketin saqtap, qol alyspaýy) kerek.
3. Úide COVID-19 infektsiiasynan keiin táýekel aiasynda qalýy múmkin adamdar bolmaýy tiis (65 jastan asqan qarttar, 5 jasqa deiingi balalar, aiaǵy aýyr áielder, immýniteti tómen adamdar, sozylmaly júrek, ókpe, búiek aýrýlary bar adamdar).
Úi jaǵdaiynda mundai karantinde saqtaý múmkin bolmasa da adam aýrýhanada bolýy kerek.
Densaýlyq saqtaý ministrligi sonymen qatar úi karantininde bolǵan adamdar qandai nusqaýlyqtardy saqtaý kerektigin tizip berdi:
1. Úiden shyqpaýy kerek.
2. Jeke, jeldetiletin jáne esigi jabyq bólmede bolýy tiis. Bólmeden tek qajetti protsedýralardy oryndaý kezinde qysqa ýaqytqa shyǵýǵa bolady. Bul jaǵdaida aýyz ben muryndy meditsinalyq maska jaýyp turýy tiis.
3. Aýyz ben muryndy jaýyp turyp, túshkirip, jótelý kerek. Meilinshe bir rettik shytpen shyntaqpen jaýyp, jótelgen abzal. Osydan keiin birden qol jýyp, spirttik negizde antiseptikalyq zatpen qoldy súrtý kerek.
4. Tamaqtanar aldynda jáne tamaqtanǵannan keiin, dárethanadan shyqqanda qoldy sabyndy sýmen jýyp, antiseptikpen zalalsyzdandyryp otyrý kerek. Eger qolyńyzda kir bolsa, antiseptikalyq zatpen súrtkenge deiin sabynmen jýǵan jón. Qoldy súrtý úshin bir rettik mailyqtardy paidalanǵan abzal.
5. Múmkindiginshe jeke dárethana paidalanǵan durys.
6. Eger temperatýrańyz kóterilip, tynys joldarynda aýyrlyq baiqalsa CVI bailanys ortalyǵyna habarlasyp, jedel járdem shaqyryńyz. Karantin týraly habarlap, shaǵymdaný sebebin kórsetińiz.
Úi karantinindegi adamy bar otbasyǵa keńes:
1. Karantin bólmesine kire alatyn otbasy músheleriniń sanyn azaityp, sozylmaly aýrýlarmen aýyrmaityn bir saý adamǵa artyqshylyq berý kerek.
2. Úige meimandar kelmeýi tiis.
3. Úidiń barlyq múshesi qoldaryn jii jýyp turýy kerek.
4. As úi men dárethana siiaqty jalpy bólmelerdiń jaqsy jeldetilgenine kóz jetkizińiz.
5. Karantin bólmesine kirgen kezde, aýzyńyz ben murnyńyzdy jaýyp turatyn tyǵyz meditsinalyq maska kiiýińiz kerek. Eger maska las nemese dymqyl bolyp ketse, ony tez arada jańa taza qurǵaq maskamen aýystyrǵan abzal. Maskany tiisti tehnikany qoldanyp sheshińiz, iaǵni aldyńǵy bólikti ustamańyz. Maskany qoldanǵannan keiin dereý sheship, qolyńyzdy jýyńyz.
6. Karantindegi adammen kez kelgen bailanysta bir rettik qolqapty paidalanyńyz.
7. Karantindegi adamnyń bólmesin kún saiyn tazalap, zalalsyzdandyryńyz.
8. Karantindegi adamnyń barlyq kir kiimi men zatyn jýylmai turyp, onyń bólmesinde saqtalǵan sómkede saqtaý kerek.
9. Karantindegi adammen virýs juqtyratyn zattarmen bólisýden aýlaq bolyńyz. Mysaly, tis shetkasy, temeki, ydys-aiaq, súlgi, tósek-oryn jáne t.b. Ydys-aiaqtardy sabyndy sýmen nemese ydys jýǵysh zatpen jýýǵa bolady.
