Foto: ashyq derekkóz
Prodiýser Baian Alagózova aktrisa Merýert Ótekeshovaǵa ai saiyn 1 million teńge kóleminde ómir boiy zeinetaqy taǵaiyndaǵanyn málimdedi, dep habarlaidy Ult.kz.
Sonymen qatar ol ózi uiymdastyryp júrgen «Qazaq arýy» baiqaýynyń aldaǵy maýsymy dál osy aktrisaǵa arnalatynyn aitty.
Bul sheshim qoǵamda qyzý talqylanǵan jaǵdaidan keiin qabyldanǵan. Atap aitqanda, Qyz Jibek filminde aktrisa kigen tarihi qyzǵylt kamzoldyń prodiýserdiń jeke kollektsiiasynda bolýy kópshiliktiń nazaryn aýdarǵan edi.
Baian Alagózova bul qoldaýdy óziniń jáne jubaiynyń atynan aktrisaǵa degen alǵys belgisi retinde usynǵanyn jetkizdi. Budan bólek, ol halyq ártisine baǵaly ton syilap, Merýert Ótekeshovany «qazaq qyzynyń máńgilik simvoly» dep atady.
Daýly kamzolǵa qatysty prodiýser onyń bolashaqta murajaiǵa tapsyrylýy múmkin ekenin aitty.
«Jádigerdiń taǵdyryn halyq pen tiisti organdar sheshedi. Qazir ol mende qaýipsiz jerde saqtaýly», – dedi ol.
Aita keteiik, buǵan deiin Qazaqstan Respýblikasynyń Mádeniet ministrligi atalǵan tarihi buiymnyń jeke qolǵa qalai ótkenin tekseretinin habarlaǵan bolatyn.
Qyz Jibek filmi 1969–1970 jyldary túsirilgen. Kartina qazaq kinosynyń altyn qoryna engen, al filmdegi qyzǵylt kamzoldyń avtory – belgili sýretshi Gúlfairýs Ismailova.
