Olimpiada oiyndarynyń júldegeri, mánerlep syrǵanaýshy Denis Tenniń ólimine qatysty qylmystyq isti tergeý jumystary aiaqtalýǵa jaqyn. Bul týraly búgin Úkimet otyrysynan keiingi brifingte QR Ishki ister ministri Qalmuhanbet Qasymov aitty, dep habarlaidy QazAqparat tilshisi.
«Qazirgi ýaqytta qylmystyq isti tergeýdi aiaqtaý boiynsha sharalar qabyldanyp jatyr. Is júzinde barlyq saraptama qorytyndylary shyqqan. Búginde tanystyrý protsedýrasy men qylmystyq isti aiaqtaý sharalary júrgizilýde», - dedi ministr BAQ ókilderiniń saýalyna orai.
Sonymen qatar, Qalmuhanbet Qasymov tergeý aiaqtalǵannan keiin is sotqa jiberiletinin atap ótti.
Eske salsaq, qazaqstandyq mánerlep syrǵanaýshy Denis Ten 19 shilde kúni pyshaq jaraqatynan qaza bolǵan edi. Oqiǵa 19 shilde kúni Qurmanǵazy men Baiseiitova kósheleriniń qiylysynda túski saǵat 15:00 shamasynda bolǵan.
