وليمپيادا ويىندارىنىڭ جٷلدەگەرٸ, مەنەرلەپ سىرعاناۋشى دەنيس تەننٸڭ ٶلٸمٸنە قاتىستى قىلمىستىق ٸستٸ تەرگەۋ جۇمىستارى اياقتالۋعا جاقىن. بۇل تۋرالى بٷگٸن ٷكٸمەت وتىرىسىنان كەيٸنگٸ بريفينگتە قر ٸشكٸ ٸستەر مينيسترٸ قالمۇحانبەت قاسىموۆ ايتتى, دەپ حابارلايدى قازاقپارات تٸلشٸسٸ.
«قازٸرگٸ ۋاقىتتا قىلمىستىق ٸستٸ تەرگەۋدٸ اياقتاۋ بويىنشا شارالار قابىلدانىپ جاتىر. ٸس جٷزٸندە بارلىق ساراپتاما قورىتىندىلارى شىققان. بٷگٸندە تانىستىرۋ پروتسەدۋراسى مەن قىلمىستىق ٸستٸ اياقتاۋ شارالارى جٷرگٸزٸلۋدە», - دەدٸ مينيستر باق ٶكٸلدەرٸنٸڭ ساۋالىنا وراي.
سونىمەن قاتار, قالمۇحانبەت قاسىموۆ تەرگەۋ اياقتالعاننان كەيٸن ٸس سوتقا جٸبەرٸلەتٸنٸن اتاپ ٶتتٸ.
ەسكە سالساق, قازاقستاندىق مەنەرلەپ سىرعاناۋشى دەنيس تەن 19 شٸلدە كٷنٸ پىشاق جاراقاتىنان قازا بولعان ەدٸ. وقيعا 19 شٸلدە كٷنٸ قۇرمانعازى مەن بايسەيٸتوۆا كٶشەلەرٸنٸڭ قيىلىسىندا تٷسكٸ ساعات 15:00 شاماسىندا بولعان.
