Sportshy Denistiń anasy Oksana Tenniń advokaty Nurlan Óstemirov kúdikti Arman Qudaibergenovtyń buǵan deiin jasaǵan qylmysyn tergegen politsiia qyzmetkerlerin jaýapqa tartý týraly aryzdandy. Búgin Denis Tenniń ólimine qatysty sot otyrysy Almaty qalalyq qylmystyq ister jónindegi mamandandyrylǵan aýdanaralyq sotynda ótýde, dep habarlaidy QazAqparat tilshisi.
«Arman Qudaibergenovtyń kólik urlaý deregi boiynsha qozǵalǵan isti tergegen politsiia qyzmetkeri men onyń bólim basshysy qylmystyq jaýapkershilikke tartylsyn. Ol (Farida Razbekova) sizderdi (sýdiany) shatastyryp otyr. Kúdiktiniń sottylyǵyn tekserý úshin prokýratýradan jazbasha túrde ruqsat alýy kerek bolatyn. Sondai-aq, onyń (Qudaibergenovtyń) kórsetken mekenjaiy boiynsha da tintý júrgizilmegen. Olar (anyqtaýshy Fariza Razbekova men bólim basshysy Sheriazdanov) QR QPK 136-138- baptaryn óreskel buzdy. Politsiia qyzmetkerlerin selqostyq kórsetkeni úshin jaýapkershilikke tartý kerek. Osyǵan bailanysty jeke qaýly shyǵarýyńyzdy suraimyn»,- dedi Nurlan Óstemirov.
Sýdia Keńshilik Əbildinov bul talap aryzǵa qatysty sheshimdi kelesi otyrysta shyǵaratynyn aitty.
Al kúdikti Qudaibergenovtyń ózi politsiia tergeýshisiniń ózin urlyqtan soń nege bosatyp jibergenin túsindire almady.
Sýdia Keńshilik Əbildinov bul talap aryzǵa qatysty sheshimdi kelesi otyrysta shyǵaratynyn aitty. Al kúdikti Qudaibergenovtyń ózi politsiia tergeýshisiniń ózin urlyqtan soń nege bosatyp jibergenin túsindire almady.
Eske salsaq, Denis Tendi biyl 19 shildede Almaty qalasynda belgisiz bireýler pyshaqtap ketken edi. Aýyr halde aýrýhanaǵa jetkizilgen sportshy kóz jumǵan bolatyn.
Denis Tenniń ólimine qatysty qylmystyq is qozǵalyp, kúdiktiler izdestirildi. Elbasy Denis Tenge qatysty qylmysty muqiiat tekserýdi tapsyrdy. Keiin QR IIM kúdiktilerdiń ustalǵanyn jariia etti. Al, qyrkúiek aiynyń sońynda Ishki ister ministri Qalmuhanbet Qasymov atalmysh qylmystyq istiń tergelýine qatysty málimet bergen edi.
25 jeltoqsanda Almaty qylmystyq ister boiynsha aýdanaralyq mamandandyrylǵan sotta belgili sportshynyń ólimi boiynsha aldyn ala sot tyńdalymy ótken bolatyn.
