سپورتشى دەنيستٸڭ اناسى وكسانا تەننٸڭ ادۆوكاتى نۇرلان ٶستەمٸروۆ كٷدٸكتٸ ارمان قۇدايبەرگەنوۆتىڭ بۇعان دەيٸن جاساعان قىلمىسىن تەرگەگەن پوليتسييا قىزمەتكەرلەرٸن جاۋاپقا تارتۋ تۋرالى ارىزداندى. بٷگٸن دەنيس تەننٸڭ ٶلٸمٸنە قاتىستى سوت وتىرىسى الماتى قالالىق قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا ٶتۋدە, دەپ حابارلايدى قازاقپارات تٸلشٸسٸ.
«ارمان قۇدايبەرگەنوۆتىڭ كٶلٸك ۇرلاۋ دەرەگٸ بويىنشا قوزعالعان ٸستٸ تەرگەگەن پوليتسييا قىزمەتكەرٸ مەن ونىڭ بٶلٸم باسشىسى قىلمىستىق جاۋاپكەرشٸلٸككە تارتىلسىن. ول (فاريدا رازبەكوۆا) سٸزدەردٸ (سۋديانى) شاتاستىرىپ وتىر. كٷدٸكتٸنٸڭ سوتتىلىعىن تەكسەرۋ ٷشٸن پروكۋراتۋرادان جازباشا تٷردە رۇقسات الۋى كەرەك بولاتىن. سونداي-اق, ونىڭ (قۇدايبەرگەنوۆتىڭ) كٶرسەتكەن مەكەنجايى بويىنشا دا تٸنتۋ جٷرگٸزٸلمەگەن. ولار (انىقتاۋشى فاريزا رازبەكوۆا مەن بٶلٸم باسشىسى شەريازدانوۆ) قر قپك 136-138- باپتارىن ٶرەسكەل بۇزدى. پوليتسييا قىزمەتكەرلەرٸن سەلقوستىق كٶرسەتكەنٸ ٷشٸن جاۋاپكەرشٸلٸككە تارتۋ كەرەك. وسىعان بايلانىستى جەكە قاۋلى شىعارۋىڭىزدى سۇرايمىن»,- دەدٸ نۇرلان ٶستەمٸروۆ.
سۋديا كەڭشٸلٸك Əبٸلدينوۆ بۇل تالاپ ارىزعا قاتىستى شەشٸمدٸ كەلەسٸ وتىرىستا شىعاراتىنىن ايتتى.
ال كٷدٸكتٸ قۇدايبەرگەنوۆتىڭ ٶزٸ پوليتسييا تەرگەۋشٸسٸنٸڭ ٶزٸن ۇرلىقتان سوڭ نەگە بوساتىپ جٸبەرگەنٸن تٷسٸندٸرە المادى.
سۋديا كەڭشٸلٸك Əبٸلدينوۆ بۇل تالاپ ارىزعا قاتىستى شەشٸمدٸ كەلەسٸ وتىرىستا شىعاراتىنىن ايتتى. ال كٷدٸكتٸ قۇدايبەرگەنوۆتىڭ ٶزٸ پوليتسييا تەرگەۋشٸسٸنٸڭ ٶزٸن ۇرلىقتان سوڭ نەگە بوساتىپ جٸبەرگەنٸن تٷسٸندٸرە المادى.
ەسكە سالساق, دەنيس تەندٸ بيىل 19 شٸلدەدە الماتى قالاسىندا بەلگٸسٸز بٸرەۋلەر پىشاقتاپ كەتكەن ەدٸ. اۋىر حالدە اۋرۋحاناعا جەتكٸزٸلگەن سپورتشى كٶز جۇمعان بولاتىن.
دەنيس تەننٸڭ ٶلٸمٸنە قاتىستى قىلمىستىق ٸس قوزعالىپ, كٷدٸكتٸلەر ٸزدەستٸرٸلدٸ. ەلباسى دەنيس تەنگە قاتىستى قىلمىستى مۇقييات تەكسەرۋدٸ تاپسىردى. كەيٸن قر ٸٸم كٷدٸكتٸلەردٸڭ ۇستالعانىن جارييا ەتتٸ. ال, قىركٷيەك ايىنىڭ سوڭىندا ٸشكٸ ٸستەر مينيسترٸ قالمۇحانبەت قاسىموۆ اتالمىش قىلمىستىق ٸستٸڭ تەرگەلۋٸنە قاتىستى مەلٸمەت بەرگەن ەدٸ.
25 جەلتوقساندا الماتى قىلمىستىق ٸستەر بويىنشا اۋدانارالىق مامانداندىرىلعان سوتتا بەلگٸلٸ سپورتشىنىڭ ٶلٸمٸ بويىنشا الدىن الا سوت تىڭدالىمى ٶتكەن بولاتىن.
