QR Aqparat jəne kommýnikatsiialar ministri Dáýren Abaev óziniń buiryǵymen BAQ-pen ózara is-qimyl jasaý jónindegi ýákiletti tulǵa (bólimshe) týraly úlgilik erejeni bekitti, dep habarlaidy "Ult aqparat".
Atalǵan qujat «Egemen Qazaqstan» gazetinde jariialandy. Onda baspasóz hatshysynyń nemese baspasóz qyzmetiniń maqsaty, fýnktsiialary, quqyqtary men mindetteri qamtylǵan.
Buiryqta baspasóz hatshysy paidalanýshylarǵa memlekettik organnyń quzyretine, sondai-aq onyń qyzmetine jatatyn məseleler boiynsha anyq jəne qajetti aqparat beretini, BAQ-qa suhbattar, túsindirmeler, jariialanymdar əzirleýge jərdemdesetini, jýrnalisterdi ýaqytsha nemese turaqty akkreditteýden ótkizetini, sondai-aq olarǵa memlekettik organnyń quzyretine jatatyn məseleler boiynsha aqparatty neǵurlym tolyq jəne keńinen taratý úshin kómekteskeni jazylǵan.
Baspasóz hatshysy nemese baspasóz qyzmeti laýazymdy adamdardyń BAQ ókilderimen baspasóz konferentsiialaryn, brifingterin, suhbattary men kezdesýlerin uiymdastyrady. Sonymen qatar olar internet-resýrstyń qyzmetin jańǵyrtý jəne jańa tehnologiialardy engizý məseleleri boiynsha usynystardy əzirleýi tiis.
Munymen qosa, baspasóz hatshylary aqparattardy paidalanýshylardan kelip túsetin saýaldarǵa ýaqtyly jaýaptar daiyndaýy kerek. Sonymen qatar baspasóz hatshysy paidalanýshylardan kelip túsken saýaldarǵa jaýap berý úshin qajetti aqparatty qurylymdyq bólimshelerden suratýǵa, internet-resýrstyń qyzmetin tehnikalyq qamtamasyz etý maqsatynda aqparattandyrý salasyndaǵy sarapshylardy tartýǵa, biliktilikti arttyrý kýrstarynan ótýge quqyly.
Budan bólek, BAQ-pen ózara is-qimyl jasaý jónindegi ýəkiletti tulǵa mediakeńistikte qoǵamnyń teris pikirine əkeletin aqparat anyqtalǵan jaǵdaida memlekettik organnyń birinshi basshysyn ýaqtyly habardar etýge mindetti.
