قر اقپارات جəنە كوممۋنيكاتسييالار مينيسترٸ دەۋرەن اباەۆ ٶزٸنٸڭ بۇيرىعىمەن باق-پەن ٶزارا ٸس-قيمىل جاساۋ جٶنٸندەگٸ ۋەكٸلەتتٸ تۇلعا (بٶلٸمشە) تۋرالى ٷلگٸلٸك ەرەجەنٸ بەكٸتتٸ, دەپ حابارلايدى "ۇلت اقپارات".
اتالعان قۇجات «ەگەمەن قازاقستان» گازەتٸندە جارييالاندى. وندا باسپاسٶز حاتشىسىنىڭ نەمەسە باسپاسٶز قىزمەتٸنٸڭ ماقساتى, فۋنكتسييالارى, قۇقىقتارى مەن مٸندەتتەرٸ قامتىلعان.
بۇيرىقتا باسپاسٶز حاتشىسى پايدالانۋشىلارعا مەملەكەتتٸك ورگاننىڭ قۇزىرەتٸنە, سونداي-اق ونىڭ قىزمەتٸنە جاتاتىن مəسەلەلەر بويىنشا انىق جəنە قاجەتتٸ اقپارات بەرەتٸنٸ, باق-قا سۇحباتتار, تٷسٸندٸرمەلەر, جارييالانىمدار əزٸرلەۋگە جəردەمدەسەتٸنٸ, جۋرناليستەردٸ ۋاقىتشا نەمەسە تۇراقتى اككرەديتتەۋدەن ٶتكٸزەتٸنٸ, سونداي-اق ولارعا مەملەكەتتٸك ورگاننىڭ قۇزىرەتٸنە جاتاتىن مəسەلەلەر بويىنشا اقپاراتتى نەعۇرلىم تولىق جəنە كەڭٸنەن تاراتۋ ٷشٸن كٶمەكتەسكەنٸ جازىلعان.
باسپاسٶز حاتشىسى نەمەسە باسپاسٶز قىزمەتٸ لاۋازىمدى ادامداردىڭ باق ٶكٸلدەرٸمەن باسپاسٶز كونفەرەنتسييالارىن, بريفينگتەرٸن, سۇحباتتارى مەن كەزدەسۋلەرٸن ۇيىمداستىرادى. سونىمەن قاتار ولار ينتەرنەت-رەسۋرستىڭ قىزمەتٸن جاڭعىرتۋ جəنە جاڭا تەحنولوگييالاردى ەنگٸزۋ مəسەلەلەرٸ بويىنشا ۇسىنىستاردى əزٸرلەۋٸ تيٸس.
مۇنىمەن قوسا, باسپاسٶز حاتشىلارى اقپاراتتاردى پايدالانۋشىلاردان كەلٸپ تٷسەتٸن ساۋالدارعا ۋاقتىلى جاۋاپتار دايىنداۋى كەرەك. سونىمەن قاتار باسپاسٶز حاتشىسى پايدالانۋشىلاردان كەلٸپ تٷسكەن ساۋالدارعا جاۋاپ بەرۋ ٷشٸن قاجەتتٸ اقپاراتتى قۇرىلىمدىق بٶلٸمشەلەردەن سۇراتۋعا, ينتەرنەت-رەسۋرستىڭ قىزمەتٸن تەحنيكالىق قامتاماسىز ەتۋ ماقساتىندا اقپاراتتاندىرۋ سالاسىنداعى ساراپشىلاردى تارتۋعا, بٸلٸكتٸلٸكتٸ ارتتىرۋ كۋرستارىنان ٶتۋگە قۇقىلى.
بۇدان بٶلەك, باق-پەن ٶزارا ٸس-قيمىل جاساۋ جٶنٸندەگٸ ۋəكٸلەتتٸ تۇلعا مەدياكەڭٸستٸكتە قوعامنىڭ تەرٸس پٸكٸرٸنە əكەلەتٸن اقپارات انىقتالعان جاعدايدا مەملەكەتتٸك ورگاننىڭ بٸرٸنشٸ باسشىسىن ۋاقتىلى حاباردار ەتۋگە مٸندەتتٸ.
