Ózin «halal asaba» retinde tanystyratyn Sabyrjannyń toidaǵy ázilderi áleýmettik jelide qyzý talqyǵa túsip, kópshiliktiń synyna ushyraǵan bolatyn, dep habarlaidy ult.kz.
Jelide taraǵan videoda asaba qonaqtardyń mamandyqtaryna qatysty qaljyń aitqan. Atap aitqanda, órt sóndirýshige «Órttiń kóp bolsyn» dese, dene shynyqtyrý pániniń muǵalimine «Ony da oqi ma? Dene shynyqtyrýdy túrmeden kelgender de istep jatyr ǵoi» degen. Sondai-aq bazarda qaýyn-qarbyz satatynyn aitqan qonaqqa «Ústińizden sasyq iis shyǵyp tur eken» dep ázildegen.
Bul sózder áleýmettik jelide keń tarap, kópshilik tarapynan synǵa ushyrady. Pikir bildirýshiler adamnyń mamandyǵy men eńbegin kópshilik aldynda kelemejdeýdi ázil deýge bolmaitynyn aityp, asabanyń áreketin orynsyz dep baǵalady.
Óz kezeginde Sabyrjan da jaǵdaiǵa qatysty pikir bildirip, ázilderi toi qonaqtaryna emes, áleýmettik jelidegi keibir qoldanýshylarǵa unamaǵanyn aitty.
«Kóre almaityn adamdar renjidi ǵoi. Eń bastysy – toidaǵy adamdardyń eshqaisysy renjigen joq», – dedi asaba.
Soǵan qaramastan, jelidegi pikirtalas áli de jalǵasyp jatyr. Bir tarap asabanyń sózderin ázil retinde qabyldasa, endi biri kópshilik aldynda adamnyń kásibin kelemejdeý qandai jaǵdaida da durys emes degen pikirde.
