ٶزٸن «حالال اسابا» رەتٸندە تانىستىراتىن سابىرجاننىڭ تويداعى ەزٸلدەرٸ ەلەۋمەتتٸك جەلٸدە قىزۋ تالقىعا تٷسٸپ, كٶپشٸلٸكتٸڭ سىنىنا ۇشىراعان بولاتىن, دەپ حابارلايدى ult.kz.
جەلٸدە تاراعان ۆيدەودا اسابا قوناقتاردىڭ ماماندىقتارىنا قاتىستى قالجىڭ ايتقان. اتاپ ايتقاندا, ٶرت سٶندٸرۋشٸگە «ٶرتتٸڭ كٶپ بولسىن» دەسە, دەنە شىنىقتىرۋ پەنٸنٸڭ مۇعالٸمٸنە «ونى دا وقي ما? دەنە شىنىقتىرۋدى تٷرمەدەن كەلگەندەر دە ٸستەپ جاتىر عوي» دەگەن. سونداي-اق بازاردا قاۋىن-قاربىز ساتاتىنىن ايتقان قوناققا «ٷستٸڭٸزدەن ساسىق يٸس شىعىپ تۇر ەكەن» دەپ ەزٸلدەگەن.
بۇل سٶزدەر ەلەۋمەتتٸك جەلٸدە كەڭ تاراپ, كٶپشٸلٸك تاراپىنان سىنعا ۇشىرادى. پٸكٸر بٸلدٸرۋشٸلەر ادامنىڭ ماماندىعى مەن ەڭبەگٸن كٶپشٸلٸك الدىندا كەلەمەجدەۋدٸ ەزٸل دەۋگە بولمايتىنىن ايتىپ, اسابانىڭ ەرەكەتٸن ورىنسىز دەپ باعالادى.
ٶز كەزەگٸندە سابىرجان دا جاعدايعا قاتىستى پٸكٸر بٸلدٸرٸپ, ەزٸلدەرٸ توي قوناقتارىنا ەمەس, ەلەۋمەتتٸك جەلٸدەگٸ كەيبٸر قولدانۋشىلارعا ۇناماعانىن ايتتى.
«كٶرە المايتىن ادامدار رەنجيدٸ عوي. ەڭ باستىسى – تويداعى ادامداردىڭ ەشقايسىسى رەنجٸگەن جوق», – دەدٸ اسابا.
سوعان قاراماستان, جەلٸدەگٸ پٸكٸرتالاس ەلٸ دە جالعاسىپ جاتىر. بٸر تاراپ اسابانىڭ سٶزدەرٸن ەزٸل رەتٸندە قابىلداسا, ەندٸ بٸرٸ كٶپشٸلٸك الدىندا ادامنىڭ كەسٸبٸن كەلەمەجدەۋ قانداي جاعدايدا دا دۇرىس ەمەس دەگەن پٸكٸردە.
