QR Bilim jáne ǵylym vitse-ministri Ashat Aimaǵambetov daryndy balalarǵa arnalǵan mektep direktorlary men pedagogtarymen kezdesý barysynda daryndy balalardy irikteý erejesin ózgertý kerektigin aitty, dep habarlaidy QazAqparat tilshisi.
Qazaqstanda búginde daryndy balalarǵa arnalǵan 131 mektep bar eken.
«Men osy mektepterde bala qabyldaý erejesin ózgertýdi usyndym. Ministr qabyl aldy. Biz meritokratiialyq qaǵidany qalyptastyrýdy usynamyn. Bul mektepterge irikteý týra Nazarbaev ziiatkerlik mektepterindegidei bolýy tiis. Balalardy iriktegen kezde oǵan eshkimniń yqpaly bolmaýy kerek. Tiptik erejelerge ózgeris engizý kerek. Jumys tobyn quryńyzdar, usynys kútemiz», - dedi Ashat Aimaǵambetov.
Vitse-ministr oqýshylarǵa arnalǵan olimpiadalar men konkýrstardyń ortaq kúntizbesin jasaýdy usyndy.
«Bul baiqaýlardyń barlyǵy kúntizbede tirkelýi tiis. Aqyly baiqaýlar týraly aqparat ta ashyq bolýy kerek. Ár ata-ana, ár bala baiqaý týraly tolyq aqparatpen qamtylýy tiis», - dedi ol.
Ministr internet-olimpiadalardyń da nátijesi obektivti emestigin aitty.
«Internet-olimpiada suraqtaryna bala ózi jaýap berip otyrǵanyna kóz jetkizý qiyn. Uiymdastyrýshylar mektepke kelip, ata-analardy, ustazdardy aqyly olimpiadaǵa qatysýǵa úgitteidi. Kelisken ata-analar keiin birdeńe durys bolmasa, bizge aryzdanady. Tek qana ministrlikte attestattaýdan ótken baiqaýlarǵa ǵana qatysýǵa bolady. Al aidaladaǵy Tiýmende bir bólmeli páterde ótkiziletin olimpiadanyń sertifikattary qabyldanbaidy»,- dedi Ashat Aimaǵambetov.
