قر بٸلٸم جەنە عىلىم ۆيتسە-مينيسترٸ اسحات ايماعامبەتوۆ دارىندى بالالارعا ارنالعان مەكتەپ ديرەكتورلارى مەن پەداگوگتارىمەن كەزدەسۋ بارىسىندا دارىندى بالالاردى ٸرٸكتەۋ ەرەجەسٸن ٶزگەرتۋ كەرەكتٸگٸن ايتتى, دەپ حابارلايدى قازاقپارات تٸلشٸسٸ.
قازاقستاندا بٷگٸندە دارىندى بالالارعا ارنالعان 131 مەكتەپ بار ەكەن.
«مەن وسى مەكتەپتەردە بالا قابىلداۋ ەرەجەسٸن ٶزگەرتۋدٸ ۇسىندىم. مينيستر قابىل الدى. بٸز مەريتوكراتييالىق قاعيدانى قالىپتاستىرۋدى ۇسىنامىن. بۇل مەكتەپتەرگە ٸرٸكتەۋ تۋرا نازارباەۆ زيياتكەرلٸك مەكتەپتەرٸندەگٸدەي بولۋى تيٸس. بالالاردى ٸرٸكتەگەن كەزدە وعان ەشكٸمنٸڭ ىقپالى بولماۋى كەرەك. تيپتٸك ەرەجەلەرگە ٶزگەرٸس ەنگٸزۋ كەرەك. جۇمىس توبىن قۇرىڭىزدار, ۇسىنىس كٷتەمٸز», - دەدٸ اسحات ايماعامبەتوۆ.
ۆيتسە-مينيستر وقۋشىلارعا ارنالعان وليمپيادالار مەن كونكۋرستاردىڭ ورتاق كٷنتٸزبەسٸن جاساۋدى ۇسىندى.
«بۇل بايقاۋلاردىڭ بارلىعى كٷنتٸزبەدە تٸركەلۋٸ تيٸس. اقىلى بايقاۋلار تۋرالى اقپارات تا اشىق بولۋى كەرەك. ەر اتا-انا, ەر بالا بايقاۋ تۋرالى تولىق اقپاراتپەن قامتىلۋى تيٸس», - دەدٸ ول.
مينيستر ينتەرنەت-وليمپيادالاردىڭ دا نەتيجەسٸ وبەكتيۆتٸ ەمەستٸگٸن ايتتى.
«ينتەرنەت-وليمپيادا سۇراقتارىنا بالا ٶزٸ جاۋاپ بەرٸپ وتىرعانىنا كٶز جەتكٸزۋ قيىن. ۇيىمداستىرۋشىلار مەكتەپكە كەلٸپ, اتا-انالاردى, ۇستازداردى اقىلى وليمپياداعا قاتىسۋعا ٷگٸتتەيدٸ. كەلٸسكەن اتا-انالار كەيٸن بٸردەڭە دۇرىس بولماسا, بٸزگە ارىزدانادى. تەك قانا مينيسترلٸكتە اتتەستاتتاۋدان ٶتكەن بايقاۋلارعا عانا قاتىسۋعا بولادى. ال ايدالاداعى تيۋمەندە بٸر بٶلمەلٸ پەتەردە ٶتكٸزٸلەتٸن وليمپيادانىڭ سەرتيفيكاتتارى قابىلدانبايدى»,- دەدٸ اسحات ايماعامبەتوۆ.
