Darhan Káletaev qyzmetinen bosatyldy, dep habarlaidy "Ult aqparat" Aqordanyń baspasóz qyzmetine silteme jasap.
«Memleket basshysynyń Jarlyǵymen Darhan Amanuly Káletaev Qazaqstan Respýblikasy Prezidentiniń Ákimshiligi Basshysynyń birinshi orynbasary qyzmetinen bosatyldy», delingen habarlamada.
Darhan Amanuly 1972 jyly 10 qazanda týǵan, bilimi joǵary. Shyǵys Qazaqstan memlekettik ýniversitetin, Ulttyq Joǵary Memlekettik basqarý mektebin bitirgen. Mamandyǵy boiynsha tarihshy-oqytýshy, memlekettik basqarýdyń menedjeri. Saiasattaný ǵylymdarynyń doktory. «Qurmet», «Parasat» ordenderimen jáne merekelik medaldarmen marapattalǵan.
Prezident Ákimshiligi Basshysynyń orynbasary, «Nur Otan» Halyqtyq-demokratiialyq partiiasy Tóraǵasynyń birinshi orynbasary, «Samuryq-Qazyna» ulttyq ál-aýqat qory» AQ-nyń basqarýshy direktory bolyp qyzmetterin atqarǵan. Qazaqstan Respýblikasy Prezidentiniń Jarlyǵymen Parlament Senatynyń depýtaty bolǵan. 2018 jyly 4 sáýirinen 2019 jyldyń aqpanyna deiin Qazaqstan Respýblikasynyń Qoǵamdyq damý ministri qyzmetin atqardy. QR Premer-Ministr Keńsesiniń basshysy boldy.
Sońǵy qyzmetine 25 naýryzda taǵaiyndalǵan.
