دارحان كەلەتاەۆ قىزمەتٸنەن بوساتىلدى

دارحان كەلەتاەۆ قىزمەتٸنەن بوساتىلدى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.

«مەملەكەت باسشىسىنىڭ جارلىعىمەن دارحان امانۇلى كەلەتاەۆ قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸ باسشىسىنىڭ بٸرٸنشٸ ورىنباسارى قىزمەتٸنەن بوساتىلدى», دەلٸنگەن حابارلامادا.

دارحان امانۇلى 1972 جىلى 10 قازاندا تۋعان, بٸلٸمٸ جوعارى. شىعىس قازاقستان مەملەكەتتٸك ۋنيۆەرسيتەتٸن, ۇلتتىق جوعارى مەملەكەتتٸك باسقارۋ مەكتەبٸن بٸتٸرگەن. ماماندىعى بويىنشا تاريحشى-وقىتۋشى, مەملەكەتتٸك باسقارۋدىڭ مەنەدجەرٸ. ساياساتتانۋ عىلىمدارىنىڭ دوكتورى. «قۇرمەت», «پاراسات» وردەندەرٸمەن جەنە مەرەكەلٸك مەدالدارمەن ماراپاتتالعان.

پرەزيدەنت ەكٸمشٸلٸگٸ باسشىسىنىڭ ورىنباسارى, «نۇر وتان» حالىقتىق-دەموكراتييالىق پارتيياسى تٶراعاسىنىڭ بٸرٸنشٸ ورىنباسارى, «سامۇرىق-قازىنا» ۇلتتىق ەل-اۋقات قورى» اق-نىڭ باسقارۋشى ديرەكتورى بولىپ قىزمەتتەرٸن اتقارعان. قازاقستان رەسپۋبليكاسى پرەزيدەنتٸنٸڭ جارلىعىمەن پارلامەنت سەناتىنىڭ دەپۋتاتى بولعان. 2018 جىلى 4 سەۋٸرٸنەن 2019 جىلدىڭ اقپانىنا دەيٸن قازاقستان رەسپۋبليكاسىنىڭ قوعامدىق دامۋ مينيسترٸ قىزمەتٸن اتقاردى. قر پرەمەر-مينيستر كەڭسەسٸنٸڭ باسشىسى بولدى.

سوڭعى قىزمەتٸنە 25 ناۋرىزدا تاعايىندالعان.