Dárigerler jolaýshylar avtobýsy qaǵyp ketken bes jasar qyzdyń jaǵdaiy týraly aitty, dep habarlaidy "Ult aqparat".
Almaty qalalyq densaýlyq saqtaý basqarmasynyń habarlaýynsha, bes jasar búldirshin Balalar shuǵyl meditsinalyq járdem ortalyǵyna 4 qarasha kúni keshke jetkizildi.
«Jol apatynan jaraqat alǵan kishkentai qyzdy mamandar tolyq tekserip shyqty. Onyń jaǵdaiy ortasha dep sanalady. Oǵan jabyq bas mi jaraqaty, midyń shaiqalýy diagnozy qoiyldy. Ony aýrýhanaǵa jatqyzyp emdeý usynyldy, biraq ata-anasy aýrýhanaǵa jatýdan bas tartty», - dep habarlady basqarmadan.
Buǵan deiin, Almatyda jolaýshylar avtobýsy bes jasar qyz ben onyń anasyn qaǵyp ketkeni týraly jazǵan bolatynbyz.
