Senat tóraiymy Dariǵa Nazarbaeva otandyq bankterdiń problemasyn kóterdi, dep habarlaidy Sputnik Qazaqstan.
Senattyń búgingi otyrysynda depýtattar "Eýraziialyq ekonomikalyq odaqqa múshe memleketterdiń qarjy naryǵy salasyndaǵy zańnamasyn úilestirý týraly kelisimdi ratifikatsiialaý týraly" zań jobasyn maquldady. Osy oraida keibir senatorlar ortaq qarjy naryǵynda otandyq bankterdiń qiyndyqqa tap bolatynyn jetkizdi. Sebebi elimizdiń qarjy uiymdary áli kúnge deiin memlekettiń kómegine zárý. Al reseilik jáne halyqaralyq qarjy uiymdary tehnikalyq jaǵynan myqty jáne zamanaýi qarjy quraldaryn qoldanyp keledi. Ondai básekege tótep berý ońai emes.
Senat tóraiymy Dariǵa Nazarbaeva óz áriptesteriniń pikirine qosyldy. Biraq báseke bolmasa, otandyq bankter men nesie uiymdary ózgeriske umtylmaidy.
"Jalpy, básekeden qoryqpaý qajet. Búginde "sheteldik bankter kelip, otandyq bankterdi basyp alady" degen áńgime óz bankterimizden shyǵyp otyr. Sebebi olar óz pozitsiialaryn joǵaltyp alamyz dep qorqady. Biraq búginde qarjy salasynda problema bar. Arzan aqsha alýǵa múmkindik joq. Sonyń saldarynan shaǵyn jáne orta biznes tunshyǵyp jatyr. Al bizdiń bankter ol mindetti sheshýge qaýqarsyz", - dedi Nazarbaeva.
Onyń aitýynsha, otandyq bankter basqa qarjy uiymdarymen básekege tússe, óz sharttaryn ózgertýge májbúr bolady. Bul – naryq zamanynyń talaby.
"Myqty básekelestik bolsa, otandyq bankter óz kemshilikterinen qutylady. Ishki ákimshilendirý júiesin retke keltiredi. Ol jerde de problema bar", - dep atap kórsetti Nazarbaeva.
