سەنات تٶرايىمى داريعا نازارباەۆا وتاندىق بانكتەردٸڭ پروبلەماسىن كٶتەردٸ, دەپ حابارلايدى Sputnik قازاقستان.
سەناتتىڭ بٷگٸنگٸ وتىرىسىندا دەپۋتاتتار "ەۋرازييالىق ەكونوميكالىق وداققا مٷشە مەملەكەتتەردٸڭ قارجى نارىعى سالاسىنداعى زاڭناماسىن ٷيلەستٸرۋ تۋرالى كەلٸسٸمدٸ راتيفيكاتسييالاۋ تۋرالى" زاڭ جوباسىن ماقۇلدادى. وسى ورايدا كەيبٸر سەناتورلار ورتاق قارجى نارىعىندا وتاندىق بانكتەردٸڭ قيىندىققا تاپ بولاتىنىن جەتكٸزدٸ. سەبەبٸ ەلٸمٸزدٸڭ قارجى ۇيىمدارى ەلٸ كٷنگە دەيٸن مەملەكەتتٸڭ كٶمەگٸنە زەرۋ. ال رەسەيلٸك جەنە حالىقارالىق قارجى ۇيىمدارى تەحنيكالىق جاعىنان مىقتى جەنە زاماناۋي قارجى قۇرالدارىن قولدانىپ كەلەدٸ. ونداي بەسەكەگە تٶتەپ بەرۋ وڭاي ەمەس.
سەنات تٶرايىمى داريعا نازارباەۆا ٶز ەرٸپتەستەرٸنٸڭ پٸكٸرٸنە قوسىلدى. بٸراق بەسەكە بولماسا, وتاندىق بانكتەر مەن نەسيە ۇيىمدارى ٶزگەرٸسكە ۇمتىلمايدى.
"جالپى, بەسەكەدەن قورىقپاۋ قاجەت. بٷگٸندە "شەتەلدٸك بانكتەر كەلٸپ, وتاندىق بانكتەردٸ باسىپ الادى" دەگەن ەڭگٸمە ٶز بانكتەرٸمٸزدەن شىعىپ وتىر. سەبەبٸ ولار ٶز پوزيتسييالارىن جوعالتىپ الامىز دەپ قورقادى. بٸراق بٷگٸندە قارجى سالاسىندا پروبلەما بار. ارزان اقشا الۋعا مٷمكٸندٸك جوق. سونىڭ سالدارىنان شاعىن جەنە ورتا بيزنەس تۇنشىعىپ جاتىر. ال بٸزدٸڭ بانكتەر ول مٸندەتتٸ شەشۋگە قاۋقارسىز", - دەدٸ نازارباەۆا.
ونىڭ ايتۋىنشا, وتاندىق بانكتەر باسقا قارجى ۇيىمدارىمەن بەسەكەگە تٷسسە, ٶز شارتتارىن ٶزگەرتۋگە مەجبٷر بولادى. بۇل – نارىق زامانىنىڭ تالابى.
"مىقتى بەسەكەلەستٸك بولسا, وتاندىق بانكتەر ٶز كەمشٸلٸكتەرٸنەن قۇتىلادى. ٸشكٸ ەكٸمشٸلەندٸرۋ جٷيەسٸن رەتكە كەلتٸرەدٸ. ول جەردە دە پروبلەما بار", - دەپ اتاپ كٶرسەتتٸ نازارباەۆا.
