Tanymal aktrisa Dariǵa Badyqova áriptesi, akter Oljas Abaidyń ónerine joǵary baǵa berip, onyń akterlik sheberligine tánti ekenin jetkizdi, dep habarlaidy ult.kz.

Óner iesi Oljas Abaidyń kez kelgen keiipkerdi shynaiy somdai alatynyn aityp, kásibi qabiletin erekshe atap ótti.

«Oljas, sen myqty aktersiń. Kez kelgen róldi shyńyna jetkizip oinaisyń. Maqtaǵanym emes. Biraq sen óte myqtysyń», – dedi Dariǵa Badyqova.

Aktrisanyń bul sózinen áriptesiniń talantyna degen qurmetin ańǵarýǵa bolady. Ol Oljas Abaidyń túrli obrazdy nanymdy jetkize alatyn akter ekenin atap, onyń shyǵarmashylyǵyna joǵary baǵa berdi.

Aita keteiik, Oljas Abai burynǵy nekesi týraly aitty. 

Dariǵa Badyqova kim?

Dariǵa Badyqova – qazaqstandyq tanymal aktrisa, prodiýser ári stsenarist. Ol teatr jáne kino salasynda eńbek etip, komediialyq jáne dramalyq rólderi arqyly kópshilikke tanyldy. Óner iesi keiipkerleriniń minezin shynaiy jetkizýimen jáne erekshe ázil mánerimen kórermen yqylasyna bólengen.

Aktrisa otandyq kinoindýstriiada ózindik orny bar óner ieleriniń biri. Ol akterlik qyzmetpen qatar, filmder túsirý jáne shyǵarmashylyq jobalardy júzege asyrý baǵytynda da jumys isteidi.

Dariǵa Badyqova 1985 jyly 1 jeltoqsanda Jambyl oblysynyń Moiynqum aýylynda dúniege kelgen. Temirbek Júrgenov atyndaǵy Qazaq ulttyq óner akademiiasynda «Mýzykalyq drama jáne rejissýra» mamandyǵy boiynsha bilim alǵan. Shyǵarmashylyq jolyn Bolat Atabaevtyń «Aqsarai» mýzykalyq teatrynda bastaǵan. Keiin «Ǵashyq júrek», «Traktorshynyń mahabbaty» jáne «Qazaqsha biznes» jobalaryna túsken. Ásirese, «Kelinjan» telehikaiasyndaǵy Aisara róli oǵan keńinen tanymal bolýǵa múmkindik berdi. 2023 jyly «Taptym-aý seni» filmin jaryqqa shyǵaryp, onda Oljas Abaimen birge basty róldi somdady. Keiin atalǵan filmniń jalǵasyn túsirip, prodiýserlik jumysyn jalǵastyrdy. Ult portaly +2