Jartylai orta salmaqtaǵy qazaqstandyq boksshy Daniiar Eleýsinov (9-0, 5 KO) namibiialyq burynǵy álem chempiony Jýliýs Indongomen (23-2, 12 KO) jekpe-jek aldynda salmaq ólshep, kóz atystyrdy, dep habarlaidy Sports.kz resýrsy.
Saltanatty sharadan keiin boksshy DAZN Boxing portalyna aldaǵy jospary jaiynda aityp berdi.
- Qarsylasyń bul aiqas ol úshin túk emes ekenin, ońai jeńetinin aitty. Sen de oǵan jaýap retinde qinalmai utatynyńdy jetkizdiń. Nege oǵan senimdisiń, bilýge bola ma?
- Maǵan báribir, bul men úshin mańyzdy emes. Óitkeni, men ringke tek jeńý úshin shyǵamyn. Ringke shyqqan soń Indongo is júzinde jańaǵy sózine jaýap berýge tiis. Bul oǵan ońaiǵa soqpaityny anyq, al maǵan túk emes.
- Qaǵaz júzinde bul - seniń sport jolyńdaǵy eń kúrdeli aiqas. Keibireýler saǵan mundai jekpe-jekke shyǵýǵa áli erte dep jatyr. Óziń ne oilaisyń?
- Men ózime senimdimin, keremet sezimdemin. Men buǵan daiynmyn.
Eske sala keteiik, 27 qarasha kúni Amerikanyń Florida shtatyndaǵy Seminole Hard Rock Hotel & Casino arenasynda boks keshi ótedi. Onda Eleýsinov men Indongo jartylai orta salmaqtaǵy IBF Inter-Continental belbeýine talasady.
Qazaqstanda bul kezdesýdi «Habar» telearnasy tikelei efirde kórsetedi.
Transliatsiia astana ýaqytymen 06:00-de bastalady.
Aita keteiik, Daniiar sońǵy jekpe-jegin ótken jyldyń jeltoqsan aiynda ótkizip, 5-raýndta amerikalyq Alan Sanchesti (20-5-1, 10 KO) tehnikalyq nokaýtpen jeńgen edi.
