جارتىلاي ورتا سالماقتاعى قازاقستاندىق بوكسشى دانييار ەلەۋسٸنوۆ (9-0, 5 كو) ناميبييالىق بۇرىنعى ەلەم چەمپيونى جۋليۋس يندونگومەن (23-2, 12 كو) جەكپە-جەك الدىندا سالماق ٶلشەپ, كٶز اتىستىردى, دەپ حابارلايدى Sports.kz رەسۋرسى.
سالتاناتتى شارادان كەيٸن بوكسشى DAZN Boxing پورتالىنا الداعى جوسپارى جايىندا ايتىپ بەردٸ.
- قارسىلاسىڭ بۇل ايقاس ول ٷشٸن تٷك ەمەس ەكەنٸن, وڭاي جەڭەتٸنٸن ايتتى. سەن دە وعان جاۋاپ رەتٸندە قينالماي ۇتاتىنىڭدى جەتكٸزدٸڭ. نەگە وعان سەنٸمدٸسٸڭ, بٸلۋگە بولا ما?
- ماعان بەرٸبٸر, بۇل مەن ٷشٸن ماڭىزدى ەمەس. ٶيتكەنٸ, مەن رينگكە تەك جەڭۋ ٷشٸن شىعامىن. رينگكە شىققان سوڭ يندونگو ٸس جٷزٸندە جاڭاعى سٶزٸنە جاۋاپ بەرۋگە تيٸس. بۇل وعان وڭايعا سوقپايتىنى انىق, ال ماعان تٷك ەمەس.
- قاعاز جٷزٸندە بۇل - سەنٸڭ سپورت جولىڭداعى ەڭ كٷردەلٸ ايقاس. كەيبٸرەۋلەر ساعان مۇنداي جەكپە-جەككە شىعۋعا ەلٸ ەرتە دەپ جاتىر. ٶزٸڭ نە ويلايسىڭ?
- مەن ٶزٸمە سەنٸمدٸمٸن, كەرەمەت سەزٸمدەمٸن. مەن بۇعان دايىنمىن.
ەسكە سالا كەتەيٸك, 27 قاراشا كٷنٸ امەريكانىڭ فلوريدا شتاتىنداعى Seminole Hard Rock Hotel & Casino ارەناسىندا بوكس كەشٸ ٶتەدٸ. وندا ەلەۋسٸنوۆ مەن يندونگو جارتىلاي ورتا سالماقتاعى IBF Inter-Continental بەلبەۋٸنە تالاسادى.
قازاقستاندا بۇل كەزدەسۋدٸ «حابار» تەلەارناسى تٸكەلەي ەفيردە كٶرسەتەدٸ.
ترانسلياتسييا استانا ۋاقىتىمەن 06:00-دە باستالادى.
ايتا كەتەيٸك, دانييار سوڭعى جەكپە-جەگٸن ٶتكەن جىلدىڭ جەلتوقسان ايىندا ٶتكٸزٸپ, 5-راۋندتا امەريكالىق الان سانچەستٸ (20-5-1, 10 كو) تەحنيكالىق نوكاۋتپەن جەڭگەن ەدٸ.
