Óskemendegi 19 shaǵyn aýdan qaramaǵyndaǵy birqatar jer telimderi 13 jyl boiy nysanaly maqsatyna sai qoldanylmai kelgen. Olar búginde jekemenshiktiń quzyrynda. Oblys ákimi bos jatqan jerdi memleket menshigine qaitarýǵa tapsyrma berdi.
Shaǵyn aýdannyń 30-dan astam ýchaskesine injenerlik infraqurylym jelisi tartylǵan. Al jumystyń quny 40 milliard teńgeni quraǵan. Qarajat memleket qazynasynan alyndy. Bir qyzyǵy, jumys aiaqtalǵan soń, jer telimderi jekeniń qolynda ketken. Qurylysqa bilek sybana kiriskenderi neken-saiaq. Nebári 5 kásipker. Oblys ákimi tapsyrmasynan keiin birden 3 ýchaske keri memleket menshigine qaitaryldy.
"Injenerlik-kommýnikatsiialyq infraqurylym jumystaryna 40 mlrd.teńge beibereket jumsalǵan. Onyń jemisin kórip jatqan eshkim joq. Biz shaǵyn aýdan salý úshin jańa resýrstar izdep júrsek, munda úlken jer ýchaskeleri bos jatyr. Olardyń ornyna 20 kóppáterli turǵyn úi salýǵa bolatyn edi", - dedi Danial Ahmetov.
Aimaq basshysy, jer telimderin alǵan azamattar qurylys júrgizýge niet bildirse, qurylys merzimi, qarjylyq múmkindigi baian etilgen qujattaryn, sondai-aq jobalyq-smetalyq qujatyn kórsetýleri tiis. Áitpese jer sot arqyly keri qaitarylady.
