ٶسكەمەندەگٸ 19 شاعىن اۋدان قاراماعىنداعى بٸرقاتار جەر تەلٸمدەرٸ 13 جىل بويى نىسانالى ماقساتىنا ساي قولدانىلماي كەلگەن. ولار بٷگٸندە جەكەمەنشٸكتٸڭ قۇزىرىندا. وبلىس ەكٸمٸ بوس جاتقان جەردٸ مەملەكەت مەنشٸگٸنە قايتارۋعا تاپسىرما بەردٸ.
شاعىن اۋداننىڭ 30-دان استام ۋچاسكەسٸنە ينجەنەرلٸك ينفراقۇرىلىم جەلٸسٸ تارتىلعان. ال جۇمىستىڭ قۇنى 40 ميلليارد تەڭگەنٸ قۇراعان. قاراجات مەملەكەت قازىناسىنان الىندى. بٸر قىزىعى, جۇمىس اياقتالعان سوڭ, جەر تەلٸمدەرٸ جەكەنٸڭ قولىندا كەتكەن. قۇرىلىسقا بٸلەك سىبانا كٸرٸسكەندەرٸ نەكەن-ساياق. نەبەرٸ 5 كەسٸپكەر. وبلىس ەكٸمٸ تاپسىرماسىنان كەيٸن بٸردەن 3 ۋچاسكە كەرٸ مەملەكەت مەنشٸگٸنە قايتارىلدى.
"ينجەنەرلٸك-كوممۋنيكاتسييالىق ينفراقۇرىلىم جۇمىستارىنا 40 ملرد.تەڭگە بەيبەرەكەت جۇمسالعان. ونىڭ جەمٸسٸن كٶرٸپ جاتقان ەشكٸم جوق. بٸز شاعىن اۋدان سالۋ ٷشٸن جاڭا رەسۋرستار ٸزدەپ جٷرسەك, مۇندا ٷلكەن جەر ۋچاسكەلەرٸ بوس جاتىر. ولاردىڭ ورنىنا 20 كٶپپەتەرلٸ تۇرعىن ٷي سالۋعا بولاتىن ەدٸ", - دەدٸ دانيال احمەتوۆ.
ايماق باسشىسى, جەر تەلٸمدەرٸن العان ازاماتتار قۇرىلىس جٷرگٸزۋگە نيەت بٸلدٸرسە, قۇرىلىس مەرزٸمٸ, قارجىلىق مٷمكٸندٸگٸ بايان ەتٸلگەن قۇجاتتارىن, سونداي-اق جوبالىق-سمەتالىق قۇجاتىن كٶرسەتۋلەرٸ تيٸس. ەيتپەسە جەر سوت ارقىلى كەرٸ قايتارىلادى.
