Tanymal jýrnalist ári burynǵy depýtat Dana Nurjigit ómirindegi kúrdeli kezeńderdiń biri týraly aityp, depýtattyq qyzmetten ketkennen keiin taksi júrgizýshisi bolyp jumys isteýdi de oilaǵanyn jetkizdi, dep habarlaidy ult.kz.
«Aitarym bar» podkastynyń qonaǵy bolǵan Dana Nurjigit áńgime barysynda stalking máselesine de toqtaldy. Onyń aitýynsha, adamnyń sońynan túsý, únemi baqylaý jáne qýdalaý ýaqyt óte kele aýyr psihologiialyq qysymǵa ulasýy múmkin.
Jýrnalist depýtattyq qyzmetin aiaqtaǵannan keiingi kezeńde eń aldymen jumys taýyp, balasyn qamtamasyz etýdi oilaǵanyn aitty. Sol sebepti tabys tabýdyń ártúrli joldaryn qarastyrǵan.
«Depýtattyqtan ketkennen keiin “taksi júrgizsem be?” degen oi da boldy. Odan arlanbaimyn. Kólikti jaqsy júrgize alamyn, karta da baǵyt kórsetedi. “Taksi júrgizýshisi bolsam ba eken?” dep oiladym», – dedi ol.
Dana Nurjigit bul kezeńdi ómirindegi aýyr synaqtardyń biri dep sipattady. Onyń sózinshe, qiyndyqtar adamnyń óz kúshin baǵamdap, ishki múmkindigin tanýyna sebep bolýy múmkin.
Jýrnalist sondai-aq stalking pen uzaq ýaqytqa sozylǵan psihologiialyq qysym adamnyń kúndelikti ómirine, emotsionaldyq jaǵdaiyna jáne ózin qaýipsiz sezinýine áser etetinin atap ótti.
