UEFA Chempiondar ligasynda ekinshi týr oiyndary ótti, dep habarlaidy "Ult aqparat".
Oiyndar A, B, C, D toptarynda ótkizildi. A tobynda synǵa túsip jatqan Ispaniianyń «Real» komandasy taǵy da óz jankúierlerin qýanta almady. Ataqty klýb eki týrda nebári bir-aq upaiǵa qol jetkizdi. Búgin olar Belgiianyń «Briýgge» komandasyna ese jiberip qoia jazdady. Birinshi kezezńde belgiialyq klýb sapynan Emmanýel Dennis 11 jáne 39-minýttarda qos goldyń avtory atandy. «Real» sapynan oǵan 55-minýtta Serhio Ramos bir golmen jaýap berse, 85-minýtta Kazemiro tarazy basyn teńestirdi. Nátijesinde eki komanda 2:2 esebine qanaǵat bildirip tarasty. Birinshi týrda «Real» syrt alańda Frantsiianyń PSJ komandasynan 0:3 esebimen jeńilip qalǵan bolatyn. Osylaisha «Real» eki týrdan keiin nebári bir ǵana upai jinap, týrnir kestesinde kósh sońynda tur. Atalmysh toptaǵy Túrkiianyń «Galatasarai» jáne Frantsiianyń PSJ komandalary arasyndaǵy kezdesýde gol 52-minýtta soǵyldy. Ony Maýro Ikardi óziniń enshisine jazdy. Oiyn 0:1 esebimen PSJ komandasynyń jeńisimen aiaqtaldy.
Bul týrdaǵy taǵy bir tartysty kezdesý V tobyndaǵy Angliianyń «Tottenhem Hotspýrs» jáne Germaniianyń «Bavariia» komandalary arasynda ótti. Atalmysh oiyn kóp gol soǵylýymen erekshelendi. Esepti alań ieleri sapynan Son Hyn Min 12-minýtta ashqan bolatyn. Degenmen odan keiin «Bavariia» fýtbolshylary qatarynan tórt gol soqty. Aldymen 13-minýtta Iozýa Kimmih tarazy basyn teńestirse, 45-minýtta Robert Levandovski óz komandasyn alǵa shyǵardy. Al 53 jáne 55-minýttarda Serj Gnabri qos gol soǵyp ketti. «Tottenhem Hotspýrs» shabýylshysy Garri Kein penaltiden esep aiyrmasyn qysqartqan edi. Degenmen budan keiin «Bavariia» sapynan 82-minýtta Serj Gnabri mergendik tanytty. Al 87-minýtta Robert Levandovski mergendigimen tanylsa, 88-minýtta Serj Gnabri pokerdiń avtory atandy. Osylaisha «Bavariia» 7:2 esebimen jeńiske jetti. Nemis fýtbolshylary eki oiynda on gol soǵyp otyr.
Atalmysh toptaǵy taǵy bir kezdesý Serbiianyń «Tsrvena zvezda» jáne Grekiianyń «Olimpiakos» komandalary arasynda ótti. «Olimpiakos» sapynan 37-minýtta Rýben Semedi esep ashsa, oǵan «Tsrvena zvezda» qatarynan 62-minýtta Milosh Výlich bir golmen jaýap qaiyrdy. Al 87-minýtta serb fýtbolshysy Nemania Milýnovich óz komandasyn alǵa shyǵarsa, onyń komandalas áriptesi Richmond Boake qorytyndy esepti belgiledi. Esep 3:1. «Tsrvena zvezda» úsh upaidy oljalady.
Al S tobynda Ýkrainanyń «Shahteri» syrt alańda Italiianyń «Atalanta» klýbyn 2:1 esebimen tize búktirdi. Oiynda «Atalanta» sapynan Dývan Salata 28-minýtta esep ashsa, «Shahter» sapynan Jýnior Moraes 41-minýtta tarazy basyn teńestirdi. Al ýkrainalyq klýb sapynan Monor Salomon 95-minýtta jeńis golyn soǵyp ketti.
Bul toptaǵy Angliianyń «Manchester siti» jáne Serbiianyń «Dinamo» (Zagreb) klýby arasynda aǵylshyndar sapynan 66-minýtta Rahim Sterling esep ashty. Al 95-minýtta aǵylshyn fýtbolshysy Filip Foden esepti ulǵaita tústi. Oiynda «Manchester siti» 2:0 esebimen jeńiske jetti.
D tobynda Reseidiń «Lokomotivi» óz alańynda Ispaniianyń «Atletiko Madrid» komandasymen kezdesti. Bul oiynda ispandyq klýb sapynan 48-minýtta Joaý Felish 48-minýtta esep ashsa, 58-minýtta Tomas Parti esepti ulǵaita tústi. Reseilik klýb qarsylasyna 0:2 esebimen ese jiberdi.
Osy toptaǵy Italiianyń «Iýventýsy» óz alańynda Germaniianyń «Baierin» 3:0 esebimen oisyrata jeńdi. Italiandyqtar sapynan Gonsalo Iýain 17, Federiko Berardski 61, Krishtianý Ronaldý 88-minýtta mergendik kórsetti.
Chempiondar ligasynda búgin, 2 qazanda qalǵan tórt topta oiyndar ótkiziledi.
