UEFA چەمپيوندار ليگاسىندا ەكٸنشٸ تۋر ويىندارى ٶتتٸ, دەپ حابارلايدى "ۇلت اقپارات".
ويىندار ا, B, C, D توپتارىندا ٶتكٸزٸلدٸ. ا توبىندا سىنعا تٷسٸپ جاتقان يسپانييانىڭ «رەال» كومانداسى تاعى دا ٶز جانكٷيەرلەرٸن قۋانتا المادى. اتاقتى كلۋب ەكٸ تۋردا نەبەرٸ بٸر-اق ۇپايعا قول جەتكٸزدٸ. بٷگٸن ولار بەلگييانىڭ «بريۋگگە» كومانداسىنا ەسە جٸبەرٸپ قويا جازدادى. بٸرٸنشٸ كەزەزڭدە بەلگييالىق كلۋب ساپىنان ەممانۋەل دەننيس 11 جەنە 39-مينۋتتاردا قوس گولدىڭ اۆتورى اتاندى. «رەال» ساپىنان وعان 55-مينۋتتا سەرحيو راموس بٸر گولمەن جاۋاپ بەرسە, 85-مينۋتتا كازەميرو تارازى باسىن تەڭەستٸردٸ. نەتيجەسٸندە ەكٸ كوماندا 2:2 ەسەبٸنە قاناعات بٸلدٸرٸپ تاراستى. بٸرٸنشٸ تۋردا «رەال» سىرت الاڭدا فرانتسييانىڭ پسج كومانداسىنان 0:3 ەسەبٸمەن جەڭٸلٸپ قالعان بولاتىن. وسىلايشا «رەال» ەكٸ تۋردان كەيٸن نەبەرٸ بٸر عانا ۇپاي جيناپ, تۋرنير كەستەسٸندە كٶش سوڭىندا تۇر. اتالمىش توپتاعى تٷركييانىڭ «گالاتاساراي» جەنە فرانتسييانىڭ پسج كوماندالارى اراسىنداعى كەزدەسۋدە گول 52-مينۋتتا سوعىلدى. ونى ماۋرو يكاردي ٶزٸنٸڭ ەنشٸسٸنە جازدى. ويىن 0:1 ەسەبٸمەن پسج كومانداسىنىڭ جەڭٸسٸمەن اياقتالدى.
بۇل تۋرداعى تاعى بٸر تارتىستى كەزدەسۋ ۆ توبىنداعى انگلييانىڭ «توتتەنحەم حوتسپۋرس» جەنە گەرمانييانىڭ «باۆارييا» كوماندالارى اراسىندا ٶتتٸ. اتالمىش ويىن كٶپ گول سوعىلۋىمەن ەرەكشەلەندٸ. ەسەپتٸ الاڭ يەلەرٸ ساپىنان سون حىن مين 12-مينۋتتا اشقان بولاتىن. دەگەنمەن ودان كەيٸن «باۆارييا» فۋتبولشىلارى قاتارىنان تٶرت گول سوقتى. الدىمەن 13-مينۋتتا يوزۋا كيمميح تارازى باسىن تەڭەستٸرسە, 45-مينۋتتا روبەرت لەۆاندوۆسكي ٶز كومانداسىن العا شىعاردى. ال 53 جەنە 55-مينۋتتاردا سەرج گنابري قوس گول سوعىپ كەتتٸ. «توتتەنحەم حوتسپۋرس» شابۋىلشىسى گارري كەين پەنالتيدەن ەسەپ ايىرماسىن قىسقارتقان ەدٸ. دەگەنمەن بۇدان كەيٸن «باۆارييا» ساپىنان 82-مينۋتتا سەرج گنابري مەرگەندٸك تانىتتى. ال 87-مينۋتتا روبەرت لەۆاندوۆسكي مەرگەندٸگٸمەن تانىلسا, 88-مينۋتتا سەرج گنابري پوكەردٸڭ اۆتورى اتاندى. وسىلايشا «باۆارييا» 7:2 ەسەبٸمەن جەڭٸسكە جەتتٸ. نەمٸس فۋتبولشىلارى ەكٸ ويىندا ون گول سوعىپ وتىر.
اتالمىش توپتاعى تاعى بٸر كەزدەسۋ سەربييانىڭ «تسرۆەنا زۆەزدا» جەنە گرەكييانىڭ «وليمپياكوس» كوماندالارى اراسىندا ٶتتٸ. «وليمپياكوس» ساپىنان 37-مينۋتتا رۋبەن سەمەدي ەسەپ اشسا, وعان «تسرۆەنا زۆەزدا» قاتارىنان 62-مينۋتتا ميلوش ۆۋليچ بٸر گولمەن جاۋاپ قايىردى. ال 87-مينۋتتا سەرب فۋتبولشىسى نەمانيا ميلۋنوۆيچ ٶز كومانداسىن العا شىعارسا, ونىڭ كوماندالاس ەرٸپتەسٸ ريچموند بواكە قورىتىندى ەسەپتٸ بەلگٸلەدٸ. ەسەپ 3:1. «تسرۆەنا زۆەزدا» ٷش ۇپايدى ولجالادى.
ال س توبىندا ۋكراينانىڭ «شاحتەرٸ» سىرت الاڭدا يتالييانىڭ «اتالانتا» كلۋبىن 2:1 ەسەبٸمەن تٸزە بٷكتٸردٸ. ويىندا «اتالانتا» ساپىنان دۋۆان سالاتا 28-مينۋتتا ەسەپ اشسا, «شاحتەر» ساپىنان جۋنيور موراەس 41-مينۋتتا تارازى باسىن تەڭەستٸردٸ. ال ۋكراينالىق كلۋب ساپىنان مونور سالومون 95-مينۋتتا جەڭٸس گولىن سوعىپ كەتتٸ.
بۇل توپتاعى انگلييانىڭ «مانچەستەر سيتي» جەنە سەربييانىڭ «دينامو» (زاگرەب) كلۋبى اراسىندا اعىلشىندار ساپىنان 66-مينۋتتا راحيم ستەرلينگ ەسەپ اشتى. ال 95-مينۋتتا اعىلشىن فۋتبولشىسى فيليپ فودەن ەسەپتٸ ۇلعايتا تٷستٸ. ويىندا «مانچەستەر سيتي» 2:0 ەسەبٸمەن جەڭٸسكە جەتتٸ.
د توبىندا رەسەيدٸڭ «لوكوموتيۆٸ» ٶز الاڭىندا يسپانييانىڭ «اتلەتيكو مادريد» كومانداسىمەن كەزدەستٸ. بۇل ويىندا يسپاندىق كلۋب ساپىنان 48-مينۋتتا جواۋ فەليش 48-مينۋتتا ەسەپ اشسا, 58-مينۋتتا توماس پارتي ەسەپتٸ ۇلعايتا تٷستٸ. رەسەيلٸك كلۋب قارسىلاسىنا 0:2 ەسەبٸمەن ەسە جٸبەردٸ.
وسى توپتاعى يتالييانىڭ «يۋۆەنتۋسى» ٶز الاڭىندا گەرمانييانىڭ «بايەرٸن» 3:0 ەسەبٸمەن ويسىراتا جەڭدٸ. يتالياندىقتار ساپىنان گونسالو يۋاين 17, فەدەريكو بەراردسكي 61, كريشتيانۋ رونالدۋ 88-مينۋتتا مەرگەندٸك كٶرسەتتٸ.
چەمپيوندار ليگاسىندا بٷگٸن, 2 قازاندا قالعان تٶرت توپتا ويىندار ٶتكٸزٸلەدٸ.
