Biryńǵai jinaqtaýshy zeinetaqy qory salymshylarynyń zeinetaqy jinaqtarynyń somasy 2021 jylǵy 1 qańtarda 12,9 trillion teńgeden asty. Oǵan zeinetaqy jarnalary men investitsiialyq tabys ta kiredi, dep habarlaidy "Ult aqparat" qordyń baspasóz qyzmetine silteme jasap.
Qordyń aqparaty boiynsha 2020 jyldyń 12 aiynda salymshylardyń shottaryna 1,2 trln teńge mólsherinde taza investitsiialyq kiris eseptelgen. Bul 2019 jyldyń sáikes kezeńindegi kórsetkishten eki esege jýyq mólsherge artyq.
«Jalpy barlyq zeinetaqy aktivi BJZQ-ǵa biriktirilgen sátten bastap Ulttyq bank qamtamasyz etken investitsiialyq tabys 4,7 trln teńgege jetti. 2021 jyldyń 1 qańtaryna zeinetaqy jinaqtarynyń jalpy kólemindegi taza investitsiialyq tabystyń úlesi 34,5%-dy qurady. Eger Qazaqstannyń jinaqtaýshy zeinetaqy júiesi qurylǵan 1998 jyldan bergi kezeńdi alatyn bolsaq, taza investitsiialyq tabys 5,5 trillion teńgeden asty. Osy ýaqyt ishinde investitsiialyq kiristilik ósý qorytyndysymen 602,90%-dy qurady. Al infliatsiia 496,65% boldy. Osylaisha 2021 jylǵy 1 qańtardaǵy jaǵdai boiynsha zeinetaqy aktivteriniń naqty tabystylyǵy 106,25%-dy qurap otyr», - delingen habarlamada.
