بٸرىڭعاي جيناقتاۋشى زەينەتاقى قورى سالىمشىلارىنىڭ زەينەتاقى جيناقتارىنىڭ سوماسى 2021 جىلعى 1 قاڭتاردا 12,9 تريلليون تەڭگەدەن استى. وعان زەينەتاقى جارنالارى مەن ينۆەستيتسييالىق تابىس تا كٸرەدٸ, دەپ حابارلايدى "ۇلت اقپارات" قوردىڭ باسپاسٶز قىزمەتٸنە سٸلتەمە جاساپ.
قوردىڭ اقپاراتى بويىنشا 2020 جىلدىڭ 12 ايىندا سالىمشىلاردىڭ شوتتارىنا 1,2 ترلن تەڭگە مٶلشەرٸندە تازا ينۆەستيتسييالىق كٸرٸس ەسەپتەلگەن. بۇل 2019 جىلدىڭ سەيكەس كەزەڭٸندەگٸ كٶرسەتكٸشتەن ەكٸ ەسەگە جۋىق مٶلشەرگە ارتىق.
«جالپى بارلىق زەينەتاقى اكتيۆٸ بجزق-عا بٸرٸكتٸرٸلگەن سەتتەن باستاپ ۇلتتىق بانك قامتاماسىز ەتكەن ينۆەستيتسييالىق تابىس 4,7 ترلن تەڭگەگە جەتتٸ. 2021 جىلدىڭ 1 قاڭتارىنا زەينەتاقى جيناقتارىنىڭ جالپى كٶلەمٸندەگٸ تازا ينۆەستيتسييالىق تابىستىڭ ٷلەسٸ 34,5%-دى قۇرادى. ەگەر قازاقستاننىڭ جيناقتاۋشى زەينەتاقى جٷيەسٸ قۇرىلعان 1998 جىلدان بەرگٸ كەزەڭدٸ الاتىن بولساق, تازا ينۆەستيتسييالىق تابىس 5,5 تريلليون تەڭگەدەن استى. وسى ۋاقىت ٸشٸندە ينۆەستيتسييالىق كٸرٸستٸلٸك ٶسۋ قورىتىندىسىمەن 602,90%-دى قۇرادى. ال ينفلياتسييا 496,65% بولدى. وسىلايشا 2021 جىلعى 1 قاڭتارداعى جاعداي بويىنشا زەينەتاقى اكتيۆتەرٸنٸڭ ناقتى تابىستىلىعى 106,25%-دى قۇراپ وتىر», - دەلٸنگەن حابارلامادا.
