Qarjynyń igerilmeýiniń qomaqty somasy Qorǵanys ministrligine tiesili. Bul týraly QR Parlamenti Májilisinde Úkimettiń 2016 jylǵa respýblikalyq biýdjettiń atqarylýy týraly esebin tanystyrý barysynda málim boldy.
Atap aitqanda, 2016 jyly shyǵystar 8 trln 501 mlrd teńgege atqarylyp, 98,3 paiyzǵa igerildi.
«Igerilmeýdiń negizgi somalary kelesi ministrlikter boiynsha qalyptasty: Qorǵanys ministrligi - 29 mlrd teńge; Ishki ister ministrligi - 1,2 mlrd teńge; Bilim jáne ǵylym ministrligi - 1 mlrd teńge; Syrtqy ister ministrligi - 920,2 mln teńge; Aýyl sharýashylyq ministerligi - 870,2 mln teńge; Ádilet ministrligi - 759 mln teńge. Biýdjet qarajatyn tiimsiz paidalaný somasy 2015 jylmen salystyrǵanda 1,7 ese azaiyp, 268 mlrd teńgeni qurady», - dedi Qarjy ministri Baqyt Sultanov tanystyrylym barysynda.
Onyń sózine qaraǵanda, 2016 jyly biýdjetten bólingen qarajattyń kvazimemlekettik sektordyń qazynashylyq shottaryndaǵy qaldyqtary 14,5 mlrd teńgeni qurady. Bul soma 2015 jylmen salystyrǵanda 5 esege azaidy.
