قارجىنىڭ يگەرٸلمەۋٸنٸڭ قوماقتى سوماسى قورعانىس مينيسترلٸگٸنە تيەسٸلٸ. بۇل تۋرالى قر پارلامەنتٸ مەجٸلٸسٸندە ٷكٸمەتتٸڭ 2016 جىلعا رەسپۋبليكالىق بيۋدجەتتٸڭ اتقارىلۋى تۋرالى ەسەبٸن تانىستىرۋ بارىسىندا مەلٸم بولدى.
اتاپ ايتقاندا, 2016 جىلى شىعىستار 8 ترلن 501 ملرد تەڭگەگە اتقارىلىپ, 98,3 پايىزعا يگەرٸلدٸ.
«يگەرٸلمەۋدٸڭ نەگٸزگٸ سومالارى كەلەسٸ مينيسترلٸكتەر بويىنشا قالىپتاستى: قورعانىس مينيسترلٸگٸ - 29 ملرد تەڭگە; ٸشكٸ ٸستەر مينيسترلٸگٸ - 1,2 ملرد تەڭگە; بٸلٸم جەنە عىلىم مينيسترلٸگٸ - 1 ملرد تەڭگە; سىرتقى ٸستەر مينيسترلٸگٸ - 920,2 ملن تەڭگە; اۋىل شارۋاشىلىق مينيستەرلٸگٸ - 870,2 ملن تەڭگە; ەدٸلەت مينيسترلٸگٸ - 759 ملن تەڭگە. بيۋدجەت قاراجاتىن تيٸمسٸز پايدالانۋ سوماسى 2015 جىلمەن سالىستىرعاندا 1,7 ەسە ازايىپ, 268 ملرد تەڭگەنٸ قۇرادى», - دەدٸ قارجى مينيسترٸ باقىت سۇلتانوۆ تانىستىرىلىم بارىسىندا.
ونىڭ سٶزٸنە قاراعاندا, 2016 جىلى بيۋدجەتتەن بٶلٸنگەن قاراجاتتىڭ كۆازيمەملەكەتتٸك سەكتوردىڭ قازىناشىلىق شوتتارىنداعى قالدىقتارى 14,5 ملرد تەڭگەنٸ قۇرادى. بۇل سوما 2015 جىلمەن سالىستىرعاندا 5 ەسەگە ازايدى.
